news-inner
clock18:30 calendar-gray 03 Oktyabr 2019 view-gray4358 dəfə oxunub
view-gray4358 dəfə oxunub

Açmısan süz də, nəyi gözləyirsən? – Yazıçıların içki lətifələri

Kulis.az 3 oktyabrın Dünya Alkoqolizmlə Mübarizə Günü olduğunu nəzərə alıb yazıçılarımızın içki ilə bağlı lətifələrini təqdim edir.

Tofiq Bayram Astaraya görüşə gedibmiş. Tədbirin rəsmi hissəsi çox uzanır. Üstəlik, Astaranın görümlü-baxlımlı yerlərinin ziyarəti başlayır. Yeyib-içmək üçün səbirsizlənən şair deyir:

Bəsdi gəzdik Astaranı

Göstər mənə restoranı

***

Xalq şairi Osman Sarıvəlli Kreml sarayındakı banketdə içib zəhərlənibmiş. Bir gün o, Azərbaycan Yazıçılar İttifaqındakı iclasda şair Əli Kərimi içmək üstündə danlayır. Çox abırlı olan və yüz sözün birini deyən Əli Kərim dözmür:

- Osman müəllim, o qədər yeyib-içdim, bir dəfə də olsun Kreml sarayına qusmadım!

***

Xalq şairi Fikrət Qoca məclisə qucaq-qucaq gələn araq butulkalarına baxıb deyir:

- Bu araq bizi qıracaq! İçin qurtarsın!

***

İçkini təsiri gedəndə şairlər deyərmişlər:

- Ayılmaq təhlükəsi var!

***

Əli Kərim yüz-yüz əlli qıram içəndən sonra deyərmiş:

- Dünya yavaş-yavaş gözəlləşir.

***

Tofiq Bayram kəndə qonaq gedibmiş. Həyətə girəndə yüzlərlə ağappaq “inkubator” cücəsinin sel kimi sağa-sola axdığını görür və deyir:

- Hara gedirsiniz, ay səyyar “zakuska”lar!

***

Xalq şairi Vaqiflə Səmədoğlu həkimə gedir və "xərçəng" olduğunu öyrənir. Evə gələn kimi qızına zəng edir. Deyir, bu gün bizə gələ bilərsən?

- Əlbəttə - deyir qızı.

Vaqif bir az düşündükdən sonra deyir;

- Gələndə pivə al, xərçəng özümdə var.

Image result for araq

***

Musa Yaqub evdə içirmiş. Arvadı hirslənir, deyir, a kişi, bütün günü içirsən, bir dəfə o nəvəni çağır yanına, gündəliyinə bax, qiymətləri ilə maraqlan. Bu yerdə Musa müəllim nəvəsinə səslənir, deyir, gündəliyini də götür bura gəl. Uşaq gəlir. Deyir, aç gündəliyini. Birdən Musa Yaquba zəng gəlir, şair zəngə cavab verməli olur, 5-10 dəqiqə danışıb qurtarandan sonra nəvəsi deyir:

- Baba, açdım.

Musa Yaqub:

- Açmısan süz də, nəyi gözləyirsən?

***

Əliağa Vahid bir səhər söz verir ki, bu gün araq içməyəcək. Hər gün “paxmel” açdığı kafenin qarşısından şəstlə keçib yüz addım atandan sonra dayanır və deyir:

- Vahid, səndə ki, bu hünər var, bunu yüz qramla qeyd eləməmək insafsızlıq olardı!

***

Həkim:

- Vahid, az iç, canını korlama.

Vahid:

- Allahın verdiyi canı sağ-salamat nəyə qaytarıram? Qoy bir az işlədim...

***

Eldar Baxış yeyib-içir, pulu qurtarır, lakin içkidən doymur. Davam etmək üçün gecə saat 12-də qalxıb bir dostunun evinə gedir. Qapını döyür. O üzdən yuxulu qadın səsi gəlir:

- Kimdi?

- Bacı, Eldardı. Yoldaşın evdədi?

- Yox. Gecə evə gəlməyib.

Eldar ümidini üzmək istəmir:

- Görəsən, harda olar?

Yuxulu qadın səsi:

- Nə deyim? Allah bilir, o da sizin kimi kimin blokundadı!

***

Məclislərin birində Aqşin Yeniseylə Ramiz Rövşən bir yerdəymiş. İçib keflənəndən sonra Aqşin Ramiz müəllimlə zarafatlaşmaq istəyir:

- Şair, nədənsə mən iki yüz içəndə özümdən şeir deyirəm, üç yüz içəndə Vaqif Cəbrayılzadədən, daha çox içəndə sizinkilər düşür yadıma...

Ramiz Rövşən üzünü ofisianta tutur:

- Cavanların arağını bol eləyin!

news-inner-user

13965 məqalə

Oxşar xəbərlər

Xəbər lenti

Məşhur rejissorun vəziyyəti pisləşdi
18:00 20 Yanvar 2020
Gül kimi "devlət" - Alpay Azərdən hekayə
16:58 20 Yanvar 2020
Varis ingilisləri aldadıb? - Tərcüməçidən şok iddia
15:12 20 Yanvar 2020
Mayakovskinin kitabı hərraca çıxarılacaq
14:15 20 Yanvar 2020
Azərbaycanın tanınmış jurnalisti vəfat edib
13:05 20 Yanvar 2020
Şəhidlik niyə müqəddəs sayılır? – Şərif Ağayar yazır...
12:00 20 Yanvar 2020
Kinoaktyorlar Gildiyası qalibləri elan etdi
11:13 20 Yanvar 2020
“Faciənin fotosu” sənədli filmin təqdimatı keçirilib
10:13 20 Yanvar 2020
Bayraqdar Elman: “Elçibəyin adamları mənə daş yığmağı öyrətdilər” – Müsahibə
08:58 20 Yanvar 2020
Musiqili Teatrda "Fransızsayağı qarnir" olacaq - Fotolar
18:56 18 Yanvar 2020
Xalq artistinin xatirəsi anılacaq
17:44 18 Yanvar 2020
İyirmi ikinci mənzildə - Varisdən hekayə
16:58 18 Yanvar 2020
"Silahdaşlar" sənədli filmi təqdim olundu
15:15 18 Yanvar 2020
Gənc şairin poeziya gecəsi keçirildi - Fotolar
14:05 18 Yanvar 2020
Türkiyəli yazıçı vəfat etdi
13:47 18 Yanvar 2020
Tanınmış dramaturq vəfat etdi
13:15 18 Yanvar 2020
Bu məşhurlar qaraçı nəslindəndir - Siyahı - Fotolar
12:44 18 Yanvar 2020
"Məni bir qadın qucub, mələklər gəzsin barı..." - Pərviz Cəbrayıldan şeirlər
11:03 18 Yanvar 2020
"Mübariz" operası təqdim olundu - Fotolar
10:28 18 Yanvar 2020
Cahandar ağa Allahyarın arvadı Mələyi qaçırmaqda haqlı idi? - Sevda Sultanova yazır...
09:03 18 Yanvar 2020