Kulis.az müasir ədəbiyyatımızda müharibə istəməyən erməni obrazı yaradan Azərbaycan müəlliflərinin və əsərlərin siyahısını təqdim edir.

Seymur Baycan

“Quqark” romanı... Münaqişə zamanı Tiflisdə tanış olduğu Anuş adlı erməni qızıyla əsərin qəhrəmanı müəllif arasında məktublaşma gedir. Məktublaşmada Anuş onunla evlənmək istəsə də, müəllif razılaşmır.

Pərviz Cəbrayıl

“Məryəm surəsi” romanı... İstanbula gedən əsərin qəhrəmanı Məryəm adlı qıza erməni Vano sığınacaq verir və ona kömək edir.

Sahilə İbrahimova

“Şeyx” romanı... Azərbaycanlı xanım Şumeysatla erməni oğlan Sənanın əhvalatı. Çoxdandır bir-birini görməyən, münaqişə yaranandan sonra sevgi münasibətləri alınmayan Şumeysatla Sənan uzun illərdən sonra Almaniyada rastlaşırlar və Bakıda qonşu yaşadıqları günləri xatırlayırlar.

Kəramət Böyükçöl

“Səkkizinci gün” romanı... Quşçular kəndinin sakinləri Əvəz və Ülkər qonşu er­məni kəndi Noraguğ sakinləri Qurgen və Siranuşla yaxın dostdular. Ermənilər Quşçulara hücum edib, kən­di yandırdığı zaman Qurgen və Siranuş evlərindən çıxıb Əvəzgilə köməyə gedirlər. Ancaq yaxınlığa düşən mərmi onları uzağa atır. Hadisə nəticəsində dərin bir quyuya düşürlər. Bu, zamanın və yaddaşın quyusudur.

Sərdar Amin

"Su sərgisi" romanında erməni və azərbaycanlı gənclər sevgilidirlər.

• Təbəssüm - Rey Bredberinin hekayəsi
• Almanlarla ortaq olduğumuz iki motiv: ağac kultu və may ayı / Umay ayı - Alov İnanna
• “Müasir Azərbaycanın qurucusu – Ulu Öndər Heydər Əliyev” adlı tədbir təşkil edildi