Şəhriyar del Gerani Kulisdə oxucularla görüşdü - Fotolar

Şəhriyar del Gerani Kulisdə oxucularla görüşdü - Fotolar
2 oktyabr 2019
# 17:18

Kulis.az ədəbiyyat portalının təşəbbüsü ilə redaksiyanın yerləşdiyi “APA Group”un akt zalında şair Şəhriyar del Geraninin yenicə çap olunmuş “Gecəniz şeirə” kitabının imza günü keçirildi.

Tədbiri giriş sözü ilə Kulis.az portalının baş redaktoru yazıçı Şərif Ağayar açaraq, qonaqları salamladı, şair və onun yaradıcılığı haqqında fikirlərini bölüşdü. Eyni zamanda tədbirin sərbəst şəkildə davam edəcəyini söylədi.

Lent.az portalının baş redaktoru Qabil Abbasoğlu Şəhriyar del Geraninin sözə münasibətindən, qələmə aldığı şeirlərin özəlliyindən, eyni zamanda xarakterindəki özəlliklərdən danışdı.

Şəhriyar del Gerani çıxış edərək, Kiyevdə təhsil almasından, şeirə, ədəbiyyata münasibətindən söz açdı.

Çıxışların ardınca qələm adamları, oxucular və “APA Group”un əməkdaşları ilə canlı ünsiyyətə girən şair onların arzuladığı şeirləri oxudu.

Tədbir kitabların imzalanma mərasimi ilə başa çatdı.

# 1147 dəfə oxunub

Oxşar xəbərlər

# # #