Azərbaycanda Avropa Film Festivalı keçiriləcək.

APA-nın xəbərinə görə, bunu festivalla bağlı keçirilən tədbirdə Aİ-nin Azərbaycandakı Nümayəndəliyinin rəhbəri Kestutis Yankauskas bildirib. Onun sözlərinə görə, bu film festivalı artıq bir ənənəyə çevrilib. O qeyd edib ki, Avropa irsi ilə bağlı ikinci festival noyabrda keçiriləcək.

Aİ və Azərbaycan arasında yeni tərəfdaşlıq sazişi üzərində danışıqlar aparıldığını deyə K.Yankauskas bildirib ki, həmin sazişlərlə yanaşı xalqlar, insanlar bir-birinin mədəniyyətləri ilə tanış olmalıdır və bu cür festivallar bu məqsədə xidmət edir. Aİ rəsmisinin sözlərinə görə, iki həftə boyunca günə bir film nümayiş olunacaq.

Bu il 10-cu yubiley festivalınının qeyd olunduğunu deyən K.Yankauskas festival çərçivəsində 148 film nümayiş olunub. Dediyinə görə, Avropa filmləri ilə yanaşı festivalda Azərbaycan filmləri də nümayiş olunub.

O, festival çərçivəsində Almaniya və Latviyadan iki rejissorun Azərbaycana gələcəyini, auditoriya ilə görüşəcəyini və masterklaslar keçəcəyini deyib.

K.Yankauskas bu film festivalında 14 Aİ ölkəsindən filmlərin nümayiş olunacağını bildirib.

Macarıstanın Azərbaycadakl səfiri Viktor Sederkeli bildirib ki, bu il bir sıra yubileylərin keçirilməsi ilə yadda qalıb: "Belə ki, Aİ-nin Şərq Tərəfdaşlığı siyasətinin 10 illiyi qeyd olundu. Həmçinin Macarıstanın Azərbaycanda səfirliyinin açılmasından 10 il ötür".

Səfir deyib ki, festivalın ilk günündə nümayiş olunacaq "Şaulun oğlu" maca filmi beynəlxalq mükafatlar alan filmdir və Hollokost faciəsi ilə bağlıdır.

Niderland Krallığının Azərbaycandakı səfiri deyib ki, Aİ və Azərbaycan arasında mədəniyyət sahəsində münasibətlər intensivləşməlidir. "Mədəniyyət sahəsində sıx əlaqələr ikitərəfli anlaşmanı genişləndirir və münasibətləri gücləndirir. Film festivalı çərçivəsində Avropa mədəniyyətinin müxtəlifliyini, yaradıcılıq və ifadə məsələlərində oxşarlıqları görəcəksiniz".

Onun dediyinə görə, Niderland festivalda drama janrında olan "Bankir" filmi ilə təmsil olunacaq.

Latviyanın Azərbaycandakı səfiri Dainis Qarançs isə ölkəsinin bu film festivalında "Milanin xronikası" filmi ilə təmsil olunacağını bildirib.

• Tanınmış rejissor karyerasını yekunlaşdırdı - Səbəb
• Xalq artisti xəstəxanaya yerləşdirildi
• “Yatmış gözəl” nağılının filmi çəkiləcək