news-inner
clock19:44 calendar-gray 24 Sentyabr 2019 view-gray2601 dəfə oxunub
view-gray2601 dəfə oxunub

Və aşıq çalır, “Ruhani” çalır... – Vurğun Əyyubun vida mərasimindən reportaj - Fotolar

Kulis.az tanınmış jurnalist Səbuhi Sədəfin sabiq komitə sədri, tənqidçi-ədəbiyyatşünas Vurğun Əyyubun vida mərasimindən reportajını təqdim edir.

- Burda “probka” olmurdu, nə olub?

- Adam ölüb.

- Yəqin böyük adamdı ki bu qədər camaat yığılıb.

Səkinin kənarında iki nəfərin söhbətinə qulaq yoldaşı oldum.

Haqlı idi söhbətə ilk başlayan...

Çox, çox böyük Adam idi dünyadan köçən. Yadımda deyil, müdriklərdən hansısa deyib: “O, arxasınca örtülən qapıya “Mən bu dünyada yaşadım” sözlərini yazmağı bacardı. Eynən Vurğun Əyyub kimi. Dualarımız çatmadı, yəqin o gözəgörünməzə.

Son iki gündə milyonların duasını haqq etmişdi. Bu qədər sevginin də bir səbəbi vardı. Çünki O, milyonların həyatını dəyişmişdi.

Bu gün dünyasını dəyişdi...

***

Yaşadığı binanın həyətində iynə atsan, yerə düşməzdi. Millət vəkilləri, müxtəlif partiya sədrləri, ictimaiyyət nümayəndələri, jurnalistlər, onu sevən hər kəs son borcunu verməyə gəlmişdi, Bakının ucqarına, İlqar Zülfüqarov küçəsinə.

Hə, bir də tələbələri.

Bir də yaxın dostu, Xəzər Universitetinin təsisçisi Hamlet İsaxanlı. Təsəvvür edin, yas mərasimi bitib, hamı dəfnə tələsir, Hamlet müəllim yolun qırağında, əlləri qoynunda, gözlərini bir nöqtəyə dikərək dayanıb. Nə baş verdiyini bəlkə də anlamır hələ.

***

Nəşini Azərbaycan bayrağına büküblər. Başının üstündə aşıq dayanıb. Vəsiyyəti belə imiş.

Keçmiş təhsil naziri Firudin Cəlilovun gözləri bir nöqtəyə dikəlib. 40 ildir deyir, bir-birimizi tanıyırdıq.

- Mən Vurğundan səmimiyyət və düzlükdən başqa bir şey görmədim. O, halal adam idi. Bütün ömrünü də halallıqla yaşadı.

Xalq yazıçısı Sabir Rüstəmxanlı vida mərasimini açır.

- Burda Vurğunla qan qohumu olanlar da var. Olmayanlar da. Amma bəzən mənə elə gəlir ki, bütün Azərbaycan onunla qan qohumudur. Bakıda yox idim, amma sosial şəbəkələrdən izləyirdim. Son iki gündə bütün millət Vurğuna dua edirdi. Bu gün isə yana-yana yola salırıq. Türkiyədə müalicə olunanda orda çalışan azərbaycanlı həkimlər ziyarətinə gəlmişdilər. Onlar türk həkimlərə deyirdilər ki, lütfən, diqqətli olun, bu adam bizi Türkiyəyə oxumağa göndərmişdi.

Hə, haqlıydı həmin tələbələr. Amma dünən onun buradakı tələbələri də bir gül dəstəsi gətirmişdilər müəllimlərinin evinə. Və bir açıqca da qoymuşdular çələngin içinə. Orda belə yazılmışdı:. “Siz bizə inanmağı öyrətdiniz. Biz isə sizin tez sağalacağınıza inanırıq”. Amma sağalmadı, bir dostumuz demişkən, mələklər sənə yaxşı baxar, biz baxa bilmədik.

Söz Milli Strateji Düşüncə Mərkəzinin sədri İsa Qəmbərə verildi. Qısa danışdı Vurğun bəyin keçmiş partiyadaşı. “Danışmaq çətindi”, - dedi.

- Biz eyni ildə anadan olmuşuq. Bir yerdə hərəkata gəlmişik. Və indi məlum olur ki, nəslimizin yarpaq tökümü başladı.

Müsavat başqanı Arif Hacılı Vurğun bəyi “tarixi şəxsiyyət” adlandırdı. Test imtahanlarının tətbiqini isə “tarixi inqilab”.

Hə, son mənzilə gedən elə bu inqilabın banisi idi. Milyonların borclu olduğu şəxs. Və hamı əmin idi, gedəcəyi yer artıq nura boyanmışdı bu İşıq adamın.

Xalq Partiyasının sədri Pənah Hüseyn onu “tarix yaradan adam” adlandırdı. Prinsipial, əqidəsinə xəyanət etməyən bir KİŞİ olduğunu qeyd etdi.

...Və aşıq çalır, “Ruhani” çalır, yanğıyla çalır. Qos-qoca kişilər göz yaşlarını saxlaya bilmir. Ardınca da alqışlar. Alqışlarla yola salınır BÖYÜK KİŞİ, son mənzilinə.

***

Görüşəndə zarafatla Axundovun "Şərq poeması"ndan bu misraları deyərdi

- Ey Səbuhi, qoca Qafqazda bitən gülləri dər...

...Dərəcəm, BÖYÜK İNSAN, gətirəcəm sənə, söz!!!

Lent.az

news-inner-user

17670 məqalə

Oxşar xəbərlər

Xəbər lenti

Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021
Azərbaycanda Böyük Britaniya film festivalı başlayır
12:44 22 Yanvar 2021
Tənqidin tənqidi – Ağalar Qutdan yeni esse
12:08 22 Yanvar 2021
Yazıçılar Donald Trampa kitab qadağası qoydular
11:32 22 Yanvar 2021
Seks dəlisi olan qadınlar haqqında bir neçə cümlə
10:58 22 Yanvar 2021
Alen Delonun xanımı dünyasını dəyişdi
10:30 22 Yanvar 2021
Şairimiz Özbəkistanda qalib oldu - Ölümündən sonra
09:59 22 Yanvar 2021
Mirzə Cəlilin əsəri əsasında çəkilmiş serial – Sevda Sultanova İTV-nin yeni layihəsini tənqid etdi
09:00 22 Yanvar 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021