news-inner
clock16:44 calendar-gray 21 Sentyabr 2019 view-gray7169 dəfə oxunub
view-gray7169 dəfə oxunub

Xərçəngin mübarizə simvolu Neslicanın həyatından parçalar

Ayxan Ayvaz yazır...

“Özümdən bədbəxt adamlar görəndə utanıram, ata”

Aqşin Yenisey

Deyirmiş ki, yaşamaq istəyirəm, həm də çox.

Yaşaya bilmədi.

Xərçəng bu dəfə ona qalib gəldi.

Mübarizə apara-apara uduzmaq istəyirəm dedi.

Üç dəfə xərçəngi dəf elədi həyatından.

Sağ ayağını itirdi bu yolda.

Ümidini və həyat eşqini itirmədi amma.

Çıxıb dedi ki, mən bir ayaqdan ibarət deyiləm, daha çox şeydən ibarətəm.

Image result for NESLÄ°CAN TAY

Xərçənglə mübarizənin ən gözəl simvolu idi.

Bütün şəkillərdə gülüşləri düşdü.

Həyatındakı ağrılara rəğmən.

Xərçəngə meydan oxuyarcasına gülürdü.

Lağ edirdi onunla.

Qabağına qoyub uşaq kimi danlayırdı: “Sən kimsən belə? Həyatıma girəndən ağrılarım dinmir”.

Arxasınca şillə çəkirdi xərçəngin üzünə: “Sənə qalib gələcəm”.

Related image

Xərçəng də dinc dayanmırdı bu arada.

Əvvəl onun saçlarını apardı özü ilə.

“Bir qadın saçları üçün kədərlənmirsə, sən bir özün düşün də xərçəng” – cavabı belə olmuşdu Neslican Tayın.

Məşhurlaşmışdı Neslican.

Hamı tanıyırdı onu.

Küçədə görəndə yaxınlaşırdılar.

Bütün ümidsiz adamlara ümid olmuşdu.

Həyatından bezən adamlar ona baxıb utanmışdılar.

Image result for NESLÄ°CAN TAY

Özlərindən bədbəxt adamın xoşbəxtcəsinə gülümsəməyi çaşdırmışdı onları.

Neslican hiperaktiv uşaq olubmuş.

Bütün günü ora-bura qaçırmış.

Ayağını itirəndə ilk buna üzülüb.

Tək ayaqla qaçmaq olmur axı ağrıların əlindən.

Daha tez tutur adamı.

Gecə yatanda ayaqlarımı bir-birinə toxundururdum deyirdi.

Ən çox buna üzülürdü: bir daha ayaqlarını bir-birinə toxundura bilməyəcək...

Yenə də mübarizədən vaz keçmədi bütün şəkillərdə gözəl düşən qadın.

Image result for NESLÄ°CAN TAY tedx

Hələ heç kim onun qədər gözəl düşməmişdi şəkillərdə.

Xərçəngə inad daha çox gülümsünürdü.

Dil çıxarırdı xərçəngə.

Özü sol ayağına ləqəb taxmışdı: dəmir ayaq.

Arada məzələnirdi özüylə, camaat arasına girəndə deyirdi: “Ayaqsız gəldi”.

İnsanların arasına ilk dəfə ayaqsız çıxanda da gülümsədi.

Sonralar da.

Hər kəsə ümid, işıq paylaya-paylaya getdi.

Mənə görə sol ayağınızı da sevin dedi.

Image result for NESLÄ°CAN TAY tedx

Dördüncü dəfə xərçəng onun qapısını döyəndə də gülümsünürdü, təbəssümündən bir şəhər salmaq olardı.

“Yaşamaq istəyirəm. Çox istəyirəm” – son videosunda demişdi ağlamsına-ağlamsına.

İlk dəfə ağlamsınırdı.

Tez də düzəliş vermişdi özünə: “Ağlamaq mənə yaraşmır. Çirkin oluram onda. Makiyajım axsın istəmirəm”.

Bəlkə də son videosu olacağını bilmirdi.

İzləyiciləri də ən az onun qədər inanırdı xərçəngə qalib gələcəyini.

Bəlkə də son videosunda da gözəl qalmaq istədi, gülümsəyən biri kimi yadda qalmaq istədi.

Kim bilir.

Hamıya sevgi payladı.

Ümid oldu.

Özünə və hamıya.

Nə qədər adamı bədbinlikdən qurtardı.

Bütün Türkiyə onun xərçəngə bu dəfə də qalib gələcəyini gözləyirdi.

Olmadı.

Image result for NESLÄ°CAN TAY tedx

Əvvəl saçları, sonra sol ayağı, sonra da özü getdi.

İşığını, sevgisini adamlara paylayaraq həm də...

Və yenə bütün şəkillərdə gözəl qaldı.

Həmişə gözəl qaldı.

21 yaşında qaldı...

news-inner-user
Ayxan Ayvaz

524 məqalə

Oxşar xəbərlər

Xəbər lenti

Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021