news-inner
clock08:58 calendar-gray 21 Sentyabr 2019 view-gray1708 dəfə oxunub
view-gray1708 dəfə oxunub

On yaşlı uşağı qaçırıb evində saxlayırdı...

Kulis.az Sevda Sultanovanın“Əsl kino” layihəsində Qorçin Stoyanoviçin “Qəsdən törədilmiş qətl” və Markus Şlaynzerin “Mixael” filmlərini təqdim edir.

Serb rejissoru Qorçin Stoyanoviçin “Qəsdən törədilmiş qətl” filmi 1996-cı il Berlin kinofestivalında müsabiqədənkənar iştirak edib.

Süjet: Hadisələr 1992-ci il Belqradda baş verir. Yuqoslaviyanın süqutu ərəfəsində millətlərarası müharibə yaşanır. Fotoqrafçı Yelena (Branka Katiç) ölkədəki siyasi iqtisadi vəziyyəti əks etdirən fotolar çəkir. Müharibədə yaralanmış serb əsgəri Boqdan (Neboyşa Qloqovats) hospitalda yer olmadığından oradan gedir və parklardan birində gecələyir. Boqdanla rastlaşan Yelena onun fotosunu çəkir, sonra isə ona öz evində qalmağı təklif edir. Gənclərin arasında sevgi münasibətləri başlayır. Yelena müharibənin əleyhinədir və o, Boqdanın cəbhəyə getməsini istəmir. Boqdan isə cəbhəyə getməkdə israrlıdır. Paralel xətdə isə İkinci Dünya müharibəsi dövründəki Belqrad təsvir olunur. Yelenanı nənəsi (Ana Sofreniviç) şəhərin ən gözəl qızı hesab edilir. O, varlı sahibkarın qızlığıdır və partizanların komandiri Krsmanla (Sergey Trifunoviç) sevgilidir. Amma eyni zamanda ögey qardaşı Yovan (Draqan Miçanoviç) da ona aşıqdir. Yovan ögey bacısını zorlayır. Axırda isə özünü və Krsmanı öldürür. Yelena nənəsi haqda kitab yazır və kimin nəvəsi olduğunu aydınlaşdırmaq istəyir. Boqdan isə müharibədə həlak olur. Və Yelena ölkəni tərk edir...

Serb rejissoru Qorçin Stoyanoviçin Qəsdən törədilmiş qətl” filmində müharibə sadəcə fondur. Əsas məqsəd müharibənin qəhrəmanların həyatına təsirini, onların düşüncəsini ekrana gəitrməkdir. Yelena pasifistdir, müharibəni mənasız sayır, onun kimlərinsə məqsədinə xidmət etdiyini düşünür. Rejissorun özü də bəzi epizodlarda müharibənin müəyyən adamlar üçün çirkli məqsəd olduğunu göstərir. Sadəlöhv Boqdan isə siyasi niyyətin qurbanı kimi təsvir olunur. Paralel xəttdəki - İkinci Dünya Müharibəsi dövründə baş verən əhvalatda da eyni motivlərə toxunulur.

Film Slobodan Seleniçin eyniadlı romanı əsasında çəkilib. Roman 1990-cı il hadisələrindən bəhs edən ilk əsərlərdən biri sayılır.

Avstriyalı rejissor Markus Şlaynzerin “Mixael” debüt filmi 2011-ci ildə Kann kinofestivalının əsas müsabiqəsində iştirak edib.

Süjet: Əhvalat pedofil Mixaeldən (Mixael Fuyt) bəhs edir. O, on yaşlı Vofqanqı (David Rauxenberger) oğurlayır və evinin zirzəmisində gizləyir, onunla seksual münasibətdə olur. Qonşularından kimsə onun cinayətkar olduğunu ağlına gətirmir. Mixael kənardan normal, tərbiyəli adam təsiri bağışlayır. O, sığorta şirkətində məmurdur. Daha sonra Mixael bir uşağı da oğurlamaq fikrinə düşür, amma cəhdi alınmır.

Bir dəfə Vofqanq onun üzünə qaynar su tökərək qaçmaq istəyir. Amma onun qaçmaq cəhdi baş tutmur. Final səhnələrdən birində Mixael bədbəxt hadisə nəticəsində ölür. Anası oğlunun evinə baş çəkir, təsadüfən burdakı zirzəmini görür və qapını açır...

Digər həmvətənləri Mixael Haneke, Ulrix Zaydl kimi Markus Şlaynzer də Avstriya cəmiyyətinin görünməyən qatlarına toxunur, zorakılığı, insan təbiətinin gizli tərəflərinin olduğunu göstərir. Biz çox vaxt, zahirən mədəni davranış sərgiləyən adamların əslində mahiyyətini bilmirik.

Amma problem ondadır ki, rejissor filmdə Mixaelin davranışının səbəblərini araşdırmır, dərinliyə varmır. Soyuqqanlı çəkilən filmdə müəllif daha çox hadisənin səthi təsviri ilə kifayətlənir.

Şlaynzer Hanekenin filmlərinin kastinq direktoru olub. O, ssenari üzərində beş ilə yaxın işləyib. Film real hadisə əsasında çəkilib: 1998-ci ildə Avstriayda on yaşlı Nataşa Kampuş itkin düşür. 36 yaşlı texnik Volfqanq Priklopil tərəfindən oğurlanan Nataşa 2006-cı ildə əsirlikdən qaça bilir. Priklopil isə intihar edir.

Oxşar xəbərlər

Xəbər lenti

Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021