news-inner
clock10:52 calendar-gray 18 Sentyabr 2019 view-gray174 dəfə oxunub
view-gray174 dəfə oxunub

Filmimiz festivalda Kim Ki Dukun filmi ilə yarışacaq

Azərbaycanlı rejissor Elmar İmanovun “Mövsümün sonu” tammetrajlı filmi Qazaxıstanın Almata şəhərində keçirilən film festivalında iştirak edir.

Kulis.az-ın festivalın rəsmi saytına istinadən verdiyi xəbərə görə, film festivalın “Mədəniyyətlərin qovuşması” adlandırılan əsas müsabiqə proqramında 12 filmlə yarışır.

Bu proqramda Fransa, Belçika, Almaniya, Mərakeş, Livan, Çexiya kimi müxtəlif ölkələrin müştərək istehsal etdiyi filmlər iştirak edir. Müsabiqədə yarışan filmlər arasında məşhur Koreya rejissoru Kim Ki Dukun yeni filmi də var.

Filmləri İngiltərə, Rusiya, Qazaxıstan və Yaponiyadan olan kino mütəxcəssislərindən ibarət jüri heyəti qiymətləndirir. Sentyabrın 14-dən 20-dək davam edən festivalın Qran Prisini qazananfilm təxminən 8 min dollar civarında pulla mükafatlandırılacaq.

Xatırladaq ki, Elmar İmanovun “Mövsümün sonu” filmi Bundan əvvəl Rotterdam Film Festivalında qalib olub. Dram janrında çəkilən “Mövsümün sonu” ailə münasibətlərindən bəhs edir və filmdə aktyorlar Rasim Cəfər, Zülfiyyə Qurbanova, Qurban İsmayılov Mövsüm Mirzəzadə, İlqarə Tosova çəkiliblər.

news-inner-user

12857 məqalə

Paylaş

Oxşar xəbərlər