“Zirzəmi teatrı” üslubundakı ŞAH MAT Teatrının səhnəsində Absurd teatrın yaradıcılarından olan irlandiyalı yazıçı-dramaturq, ədəbiyyat üzrə Nobel mükafatı laureatı Semuel Bekketin "Qodonun intizarında" pyesi əsasında hazırlanan eyniadlı tamaşa təqdim olunacaq.
Teatrın mətbuat katibi Turan Etibaroğlu Kulis.az-a bildirib ki, səhnə əsəri 19 sentiyabr saat 19.30-da İslam Səfərli 13 ünvanında yerləşən "ETUD Cafe & Bar"-da nümayiş olunacaq.
İstedadlı gənclər Mir Qabil Əkbərov(Vladimir), Ümüd Abbas(Estraqon), Səid Abbas(Poçço), Pərvin Dadaşova (Lakki) rol aldığları səhnə əsəri tanınmış rejissor əməkdar incəsənət xadimi Mehriban Ələkbərzadənin quruluşunda təqdim olunacaq.
Tamaşaçılara təqdim olunan nümunə absurd üslubunda hazırlanıb. Səhnə əsəri iki nəfər heç bir iş görmədən oturub bir ağacın altında Qodonu gözləyirlər və Qodo gəlmir. Və bunu hər gün davam edirlər. Qodonu gözləməklərinin səbəbi isə onları çətin vəziyyətdən qurtaracaq və hər şey yaxşı olacaq. Lakin Vladimir obrazının dili ilə desək "heç kəs gəlmir, heç kəs getmir, heç nə baş vermir".
Əsasən gənclərdən ibarət səhnə nümunəsinin biletləri 3 AZN təşkil edir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər