Bu gün AMEA-nın Mərkəzi Elmi Kitabxanasında Nizami adına Ədəbiyyat İnstitutunun təşkilatçılığı ilə “İlin ədəbi yekunları” mövzusunda müşavirə keçirilib.
Kulis.az-ın verdiyi xəbərə görə, müşavirədə AYB katibi Rəşad Məcid, “Azərbaycan” jurnalının baş redaktoru İntiqam Qasımzadə, “Ədəbiyyat qəzeti”nin baş redaktoru Azər Turan, “Ulduz” jurnalının baş redaktoru Qulu Ağsəs, tanınmış yazıçılar, alimlər, media mənsubları iştirak ediblər.
Saat 11-də başlanan müşavirəni giriş sözü ilə Nizami adına ədəbiyyat institutunun direktoru, akademik İsa Həbibbəyli açaraq, qısa mühazirə ilə çıxış edib və dinləniləcək məruzələrin ümumi məzmunu haqqında məlumat verib.
Daha sonra filologiya elmləri doktoru Elnarə Akimova “İlin ədəbi mənzərəsi”, AMEA-nın müxbir üzvü Tehran Əlişanoğlu “Ədəbi tənqid”, filologiya elmləri doktoru Vaqif Yusifli “Şeir”, filologiya üzrə fəlsəfə doktoru Nərgiz Cabbarlı “Roman”, filologiya üzrə fəlsəfə doktoru Aynur Xəlilova “Povest”, Maral Yaqubova “Bədii nəsr nəzəriyyə işığında”, Cavanşir Yusifli “Ədəbi gənclik” mövzularında məruzə ilə çıxış ediblər.
Tədbir dramaturgiya, satira, uşaq ədəbiyyatı və başqa mövzularda məruzələrlə davam edir.
Xatırladaq ki, məruzələrin mətni tam şəkildə “Azərbaycan” jurnalında çap olunacaqdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər