news-inner
clock10:40 calendar-gray 25 Aprel 2011 view-gray1158 dəfə oxunub
view-gray1158 dəfə oxunub

“Heç bir avropalı azərbaycanlı qədər postmodern ola bilməz”

Saytımız yayına başlayan kimi oxuculardan çoxlu məktub almağa başlamışıq. Hər yerdən, hər şeydən yazırlar. Belə qərara gəlmişik ki, hər həftə ən maraqlı məktubu çap edək. Bu həftə məktubların demək olar ki, hamısı maraqlı idi. Ancaq ən maraqlısı İsveçrəli oxucumuzun yazdığı məktub oldu. Adının çəkilməsini istəməyən Avropalı oxucumuz görün nə yazır:

«Salam «Kulis.az» dərgisinin qızıl kollektivi, necəsiniz? Qəzetinizi aldım, oxudum, sevindim. Qərara gəldim ki, ölkəniz haqqında ilk təssüratlarımı sizinlə bölüşüm. Mən inişil orda olmuşam. Sizin ölkə o qədər maraqlı və yaddaqalandır ki, bir məktubda bunların hamısını yazmaq çətin işdir. Mən ilk dəfə sizin ölkəyə gələndə sizdə deyəsən qurban bayramı idi.

Liftə minib mənzilimə qalxmaq istəyəndə, bığlı və hirsli bir kişi qurban kəsəcəyi toğlu ilə birlikdə içəri daxil oldu. Toğlu dərhal liftə qığladı. Mən beşinci mərtəbədə düşdüm. O, kişi öz toğlusu ilə birlikdə doqquzuncu mərtəbəyə qalxdı. Toğlu səhərə kimi doqquzuncu mərtəbənin balkonunda dayanmadan mələdi. Səhər həmin kişi toğlunu elə doqquzuncu mərtəbədə qurban kəsdi. Qanını da yuyub balkondan aşağa axıtdı. Yəqin düşünüb ki, doqquzuncu mərtəbə yerə nisbətən allaha daha yaxındır.


Aşağı düşüb sizin camaata tamaşa etməyə başladım. Hamı qurban kəsilmiş cöngənin ətrafına yığılıb qəssabla şirin – şirin söhbət edir, sevindiklərindən əllərindəki nizələri yerə batıra-batıra yallı gedirdi. Yaşadığım binanın həyətində hər gün bir kişi öz arvadı ilə köməkləşib, düz yolun ortasında dana kəsirdi. Hər gün yuxudan qalxıb onlara baxırdım. Əri dananı kəsəndən sonra arvad heyvanın qarnını, içalatını tabaqda sürüyüb yumağa aparırdı.

Əziz dost, onu da deyim ki, yaxşı cöngə kəsməyiniz var. Cöngəni çox nadir bir güləş fəndi ilə yerə yıxırsınız. Mən fikir vermişdim, yaşadığım binanın qarşısında obaşdan əvvəlcə bu zırpı kişi iki barmağını dananın burun deşiklərinə soxub, heyvanın başını geri bururdu, arvad dərhal əlindəki ipi dananın qabaq ayaqlarına dolayıb var gücü ilə dartırdı. Dana böyürüb əsl parter vəziyyətinə düşürdü. Sizin xalqın yerinə olsaydım Yunan – Roma güləşi kimi, Azərbaycan – Cöngə güləşi adlı bir idman növü yaradardım. İspanlarda korrida olduğu kimi qoy sizdə də cöngə yıxmaq adət – ənənə halını alsın. Hər yerdə idman kompleksləri tikin, qoy hər yerdə cöngə ilə süpürləşən gənclər olsun. Bu bir zarafatdır.

Siz Avropa da heç vaxt günün günorta çağı ər – arvadın çırmalanıb dana kəsməsini görə bilməzsininiz. Avropada heç bir ailə bu qədər postmodernist deyil. Ona görə də adam burada darıxır.

Başıma gələn ən maraqlı hadisələrdən biri də saçımın uzunluğu ilə bağlı idi. Küçəyə çıxanda hamı mənə baxıb gülürdü. Sən demə saçı uzun olmaq sizdə qoluboyluq, üzdəniraqlıq sayılırmış. Hətta evində qaldığım azərbaycanlı dostum məndən xahiş etmişdi ki, saçlarımı kvadrat qırxdırıb ayrıc açım, bığ buraxım, yoxsa o, camaat arasında rüsvay olacaq. Bir dəfə də məni arvadımla sizin iqtidar mənsublarından biri qohumlarının toy mərasiminə çağırmışdı.
El ağsaqqalı həmin adamdan mənə mesaj göndərdi ki, arvadıma tapşırım burda göbəyiaçıq qiyafədə gəzməsin, paltarı yoxdursu, burdakı arvadlardan bir tuman alıb geyinsin, ayıbdır. Toyun səhəri həmin məmur səhər saat 5 – də mənə zəng vurub xaş qonaqlığına çağırdı. Əynimi geyinməyə macal tapmamış yenidən zəng vurub dedi ki, qardaş, bağışla, gecikmişik, saat 4 – də müxalifətçilər bizdən qabaq xaşı yeyib qurtarıblar, qalsın başqa vaxta.


Nəsə, əziz «Kulis»çilar özündən muğayat olun ki, sizi bıçaqlayıb eləməsinlər. Vaxt tapdıqca yazacağam, öpürəm.

Oxşar xəbərlər

Xəbər lenti

Ürək parçalayan şəhid məzarları – Günahkar kimdi?
11:50 28 Yanvar 2021
Azərbaycanlının evlilik təklifi niyə bayağı alınır?
11:07 28 Yanvar 2021
Anar evliliyinin 59 illiyini qeyd etdi - Fotolar
10:25 28 Yanvar 2021
Kann Film Festivalı təxirə salındı
10:02 28 Yanvar 2021
Orxan Pamukun romanları Qərbin gizli sifarişidir – Aqşin Yenisey yazır...
09:01 28 Yanvar 2021
“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021
Qarabağda mina təmizləyənlərdən film çəkildi - Video
17:28 27 Yanvar 2021
Bizim keçmişimiz əl-ələ gəzir - Elvin Bakiroğlunun yeni şeirləri
16:46 27 Yanvar 2021
Di Kaprio ABŞ prezidentinə açıq məktub yazdı
16:01 27 Yanvar 2021
Fərhad Bədəlbəyli: “Bülbülün həyətinə girəndə qorxdum” – Şuşa söhbəti
15:18 27 Yanvar 2021
Çində "Nizami irsi" layihəsinə strat verildi
14:46 27 Yanvar 2021
Klassikanı niyə oxumalıyıq?
14:01 27 Yanvar 2021
Psixoloq: “Media intihar xəbərlərində ehtiyatlı olmalıdır” – Müsahibə
13:20 27 Yanvar 2021
Balaca ifaçımız beynəlxalq mükafat aldı
12:41 27 Yanvar 2021
Valları rekord qırdı, ailəsini atıb "müqəddəs ata" oldu, rahibəylə eşq yaşadı - Azərbaycanlı şairin qeyri-adi həyatı
11:58 27 Yanvar 2021
İki gündən bir ağlaşma quran sənətçilər
11:29 27 Yanvar 2021
“Uşağın duası” işıq üzü gördü
11:09 27 Yanvar 2021
90 yaşlı aktyor ata oldu
10:43 27 Yanvar 2021
Tofiq Bakıxanov “Şərəf” ordeni ilə təltif edilib
10:16 27 Yanvar 2021