news-inner
clock21:00 calendar-gray 08 Oktyabr 2019 view-gray3078 dəfə oxunub
view-gray3078 dəfə oxunub

Yaşadığı blokda soyulan məşhur yazıçı

Bu gün məşhur yazıçı Əlibala Hacızadənin anım günüdür. Kulis.az bu münasibətlə onunla bağlı maraqlı faktları təqdim edir.

O, şərqşünas olduğu üçün bir müddət Əfqanıstanda tərcüməçi işləmişdi və həmin dövrləri dərin bir travma kimi yaşayırdı. Yazıçıya respublika şöhrəti gətirən “İtkin gəlin” romanındakı hadisə də Əfqanıstanda baş verib.

***

İlk dəfə 1979-cu ildə çap olunan “İtkin gəlin” kitabı inanılmaz tiraja çatdı və bir neçə dəfə təkrar yayımlandı. Bundan sonra yazıçı romanın davamını yazıb və onu trilogiyaya çevirib: “İtkin gəlin”, “Əfsanəsiz illər”, “Ayrılığın sonu yoxmuş”. Sonrakı kitablar da ilk kitab kimi yüz minlərlə satıldı.

Görüntünün olası içeriği: 1 kişi, yakın çekim

***

Sovetlər dönəmində Heydər Əliyev Bərdə pambıqçıları ilə görüşür və onların problemləri ilə maraqlanır. Pambıqçılar ondan “İtkin gəlin” kitabını istəyirlər. H.Əliyev Bakıya qayıdanda kitabın satılıb qurtardığını öyrənir və yenidən 100 min tirajla çap olunması üçün göstəriş verir.

***

Azərbaycanda ilk tele-serial da “İtkin gəlin” romanına çəkilib və tanınıb. Qocaman rejissor Lütfi Məmmədbəyovun ekranlaşdırdığı əsərdə baş rolu Məleykə Əsədova ifa edib və bununla da məşhurlaşıb. Aktyorların çoxu serialdan qonorar almayıb, təmənnasız çəkiliblər.

Image result for əlibala hacızadə

***

Serial başlayanda Aygün Kazımovanın oxuduğu mahnı dillər əzbərinə çevrilmişdi. Serialın musiqisi Cavanşir Quliyevindir.

***

Romanlardan on minlərlə rubl pul qazanıb. Özü bu barədə demişdi: “Pul üstümə xəzəl kimi tökülürdü!”

Image result for əlibala hacızadə

***

Məşhur trilogiyadan sonra yazıçının “Təyyarə kölgəsi” və “Vəfalım mənim” romanları da geniş oxucu kütləsi qazandı. Onun son romanı isə “Möcüzə” adlanırdı.

***

Əlibala müəllim həm də gözəl şeirlər yazırdı. Onun romanında istifadə etdiyi şeirlərin hamısı özünün idi. Sonralar bu şeirləri “Sevəcəyəm” adlı kitabda topladı.

Görüntünün olası içeriği: 2 kişi, gülümseyen insanlar

***

Əlibala Hacızadə onu sevənlərin yadında ağzını azca sağa əyib şirin-şirin və asta-asta danışması və siqaret tüstülətməsi ilə qalıb. O, möhkəm siqaret çəkən idi. Hardasa siqareti-siqaretə calayırdı.

***

İçki ilə arası yaxşı idi. İlyas Tapdıq və Nahid Hacızadə ilə bir yerdə hərlənirdilər və tez-tez məclis düzəldirdilər. Hərdən bu trioya şair Oqtay Rza da qoşulurdu.

***

Image result for İtkin gəlin

Əlibala Hacızadənin maraqlı fikirləri çoxdur. Onlardan biri bu idi: “Xoşbəxtliyi arzulaya-arzulaya, bədbəxtlikdən qorxa-qorxa yaşadım”.

***

Bir gecə cavan uşaqlar yaşadığı binanın blokunda Əlibala müəllimi soyurlar. Özü bu əhvalatı gülə-gülə danışırmış. Deyirmiş, soruşdular, nə qədər pulun var, dedim, bir “şirvan”. Oğlanlardan biri əlini döş cibimə salıb əlliminlik çıxartdı, dedi, ağsaqqal kişisən, utanmırsan, yalan danışırsan?!

news-inner-user

16531 məqalə

Oxşar xəbərlər

Xəbər lenti

“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020
Nərgiz Cəlilovaya yeni vəzifə verildi
16:43 24 Sentyabr 2020
Qəbul imtahanında hönkür-hönkür ağlayan qız - Ayxan Ayvaz yazır
16:01 24 Sentyabr 2020
“Yaş keçəndə yuxular da əzab verir” - Cavanşir Yusifli ilə ad günü söhbəti
15:20 24 Sentyabr 2020
Qarabağ icmasında Şərif Ağayarla görüş keçirilib
14:25 24 Sentyabr 2020
Bu məşhurların övladları ali məktəbə qəbul olundu - Siyahı
14:06 24 Sentyabr 2020
Ebru Gündeşin atası vəfat etdi
13:12 24 Sentyabr 2020
Tələbəsinə evlənmək təklifi etdi, bacısı qızını imtahandan kəsdi, müəllimlər ona salam vermədi – Vurğun Əyyubdan maraqlı faktlar
12:30 24 Sentyabr 2020
Sənə saxladığım duzlu öpüşlər... - Şeir
12:11 24 Sentyabr 2020
Kukla Teatrı "Çəkməli pişik" tamaşasını onlayn nümayiş etdirəcək
11:30 24 Sentyabr 2020
Universitet müəllimimə yazdığım sevgi məktubu
10:52 24 Sentyabr 2020
Məşhur müğənni vəfat etdi
10:27 24 Sentyabr 2020
Gənc şairin ilk kitabı çap olunub
09:42 24 Sentyabr 2020
Səməd Vurğun 50 yaşında ölməyibmiş – Filosof yazır...
08:58 24 Sentyabr 2020
Məmməd Aslana halallıq - Şərif Ağayar yazır...
20:57 23 Sentyabr 2020
"Qəlbimin palitrası"ı təqdim olunacaq
18:51 23 Sentyabr 2020
10 ilə çəkilən film - Video
18:12 23 Sentyabr 2020
Atamın gələ bilmədiyi günlərdən çıx gəl - Fəridədən müharibə şeirləri
17:29 23 Sentyabr 2020