Baş kəsməyi təbliğ edən Nadir Qafarzadə

Nadir Qafarzadə nə düz-əməlli müğənnidir, nə də doğru-dürüst fikri olan bir adam. Ona uzadılan mikrofonda ya şit, mənasız, bayağı mahnılar oxuyub, ya da axmaq-axmaq fikirlər səsləndirib.

Məhz bu səbəbdən axırıncı biabırçı açıqlaması məndə təəccüb doğurmadı. Birincisi, Nadir ziyalı deyil, fikir adamı heç deyil, ümumiyyətlə doğru-dürüst adam deyil.

Niyə ondan münasibət öyrənilməli?

Burası mənə və yəqin ki, çoxları üün qaranlıq qaldı. Onun üfunət qoxan təfəkkürünün üstünü açıb ətrafa yaymağa gərək yox idi.

İkincisi, təəccüblü deyildi onun belə bir açıqlama verməsi. Çünki Nadir mahiyyətcə boş adamdı. Və nə yazıq ki, onun dediyinə qahmar duran, ancaq bunu dilə gətirməyən o qədər adam var ki. Onlar əxlaq-namus keşikçiləridir, qadının nə etməsini güdənlərdi. O adamlar həmişə kişiyə haqq qazandırarlar. Bir bildiyi var deyərlər. Demək qadın nəsə edib ki, cəzası bu olub. Cinayəti təbliğ edərlər. Çünki bundan başqa özlərini ifadə edəcək bir şeyləri yoxdur.

Üçüncüsü, Nadir üzr istəməli və açıqlamasını düzəltməlidir. Çünki onun ağılda olanlar var və onlar Nadirin mahnılarına qulaq asıb feyziyab olurlar. Kütlə onu sevir və kütlə təhlükəlidir. Bu gün bizim ağıllı sözə ehtiyacımız var. Nadirin qan qoxan açıqlamasına yox.