Hiçkokun həyatından sizi "qorxudacaq" 10 Fakt

Bu gün dünyaca məşhur klassik kinorejissor Alfred Hiçkokun doğulmasından 120 il ötür. Kulis.az rejissor haqda maraqlı faktları təqdim edir.

Hiçkokun kino üslubunun əsas cəhəti senzura nəticəsində yaranıb: Britaniya kinosenzura asossiasiyasının tələbinə görə filmdə zorakılığın açıq nümayişi olmazmış. Hiçkok bundan qaçmaqla özünün təkrarsız üslubunu yaradır.

“Hiçkok sarışını”. Müəyyən tipaja uyğun gələn aktrisaları belə adlandırırlar. Hündürboy, sarışın və soyuq görkəmli. Hiçkokun sevimli aktrisası Qreys Kelli kimi:"Sarışın qadınlar ən yaxşı qurbandır. Elə bil ağ qarın üstünə qan izi düşür"

Hiçkok kameoları (məşhur şəxsin epizodik rolu) ilə məşhurdur və bu, onun üslubunun elementlərindən biridir.

Hiçkok əsasında “Psixo”nu çəkdiyi romanın ekranlaşdırma hüququnu Robert Bloxdan 9 min dollara anonim olaraq almışdı. Sonra isə rejissor premyeraya qədər romanın bütün nüsxələrini almışdı ki, filmin sonu gizli qalsın.

Artıq çəkisinə görə Hiçkoku hərbi xidmətə götürməyiblər. Rejissorluğadək isə Hiçkok kinostudiyada elektrik işləyib.

Qızı Patrisiya Hiçkok da aktrisa olub.

55 bədii film çəkib və onlardan çoxu klassikadır. Yalnız bir dəfə fəxri Oskara layiq görülüb. Ən qısa Oskar nitqi ona aiddir: "Təşəkkür edirəm"Özü isə Fris Lanqın "Yorğun ölüm" filmini sevirmiş.

Rejissor qəribə yumor hissinə malik idi. “39 addım” filminin çəkilişi zamanı açarın itdiyini bəhanə edərək qəhrəmanları bütün günü qandallarda gəzməyə məcbur edib. Bir dəfə isə o, yazıçı Dafna dyu Moryenin ərini maskarada dəvət edir. Başqa qonaqlara isə rəsmi tədbir olacağını deyir. Yazıçın əri ziyafətə türk sultanı geyimində gəlir.