Gənc mədəniyyət işçilərinin I Beynəlxalq yay düşərgəsi təşkil olunub

Gənc mədəniyyət işçilərinin I Beynəlxalq yay düşərgəsi təşkil olunub
26 iyul 2019
# 18:41

İyulun 26-da Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin və Şəmkir Regional Mədəniyyət İdarəsinin birgə təşəbbüsü ilə gənc mədəniyyət işçilərinin I Beynəlxalq yay düşərgəsi təşkil olunub.

Mədəniyyət Nazirliyindən APA-ya verilən məlumata görə, Gədəbəy Rayon İcra Hakimiyyəti, TİKA, “Cavad Xan” Tarix və Mədəniyyət Fondunun təşkilatçılığı ilə keçiriləcək “Milli Yaylaq Festivalı” çərçivəsində təşkil olunan düşərgə Şəmkir Regional Mədəniyyət İdarəsinin nümayəndələrinin, müxtəlif regionlardan olan gənc mədəniyyət işçilərinin, Türkiyə, Rusiya və Qazaxıstandan gələn qonaqların iştirakı ilə reallaşıb.

Mərkəzin direktoru Asif Usubəliyev düşərgəni açıq elan edərək belə layihələrin gənc mədəniyyət işçiləri arasında səmimi münasibətlərin, yoldaşlıq və dostluq hisslərinin formalaşmasında, sərbəst fikirlərin, yeni ideyaların ortaya çıxmasında və problemlərin birlikdə həll olunmasında yardımçı olduğunu vurğulayıb.

Gədəbəy rayon Heydər Əliyev parkında I Beynəlxalq yay düşərgəsi çərçivəsində “Küçə gitaraçıları və qraffiti festivalı” təşkil olunub. Parkın müxtəlif guşələrində gitara ustalarının zövq oxşayan melodiya sədaları altında Mədinə Rəhimova və digər qraffiti ustaları öz əsərlərini yerli və xarici iştirakçılara nümayiş etdiriblər.

Türkiyə İnegöl Bələdiyyəsinin Xalq rəqsləri ansamblının müəllimi Fatih Oral, Qazaxıstan Milli İncəsənət Universitetinin professoru Rauşan Maldibayeva, Rusiyanın D.Lixaçov adına Mədəni və Təbii İrs üzrə Elmi-Tədqiqat İnstitutunun elmi işçisi Natalya Kryukova çıxışlarında düşərgənin təşkilatçılığını yüksək qiymətləndiriblər.

Düşərgənin davamı “Milli Yaylaq Festivalı”nda nəzərdə tutulur.

# 2419 dəfə oxunub

Oxşar xəbərlər

Qalmaqallı rep qrupuna görə festivalı maliyyələşdirməkdən imtina etdilər

Qalmaqallı rep qrupuna görə festivalı maliyyələşdirməkdən imtina etdilər

10:45 12 iyul 2025
“Yeddi Gözəl”  sənət layihəsi təqdim olundu

“Yeddi Gözəl” sənət layihəsi təqdim olundu

10:13 12 iyul 2025
"Üzeyir Hacıbəyovun şəxsiyyəti mənim üçün qaranlıqdır" - Məqsədləri onu şərləyib tutdurmaq idi...

"Üzeyir Hacıbəyovun şəxsiyyəti mənim üçün qaranlıqdır" - Məqsədləri onu şərləyib tutdurmaq idi...

09:00 12 iyul 2025
Nadir Yalçına ağır itki   üz verib

Nadir Yalçına ağır itki üz verib

08:48 12 iyul 2025
Kanye Vestin iştirakına görə Rubikon Festivalı ləğv edildi

Kanye Vestin iştirakına görə Rubikon Festivalı ləğv edildi

18:37 11 iyul 2025
“Bülbülün qonaqları”  layihəsində Səməd Vurğun yad edildi

“Bülbülün qonaqları” layihəsində Səməd Vurğun yad edildi

18:30 11 iyul 2025
#
#
# # #