news-inner
clock13:20 calendar-gray 25 İyul 2019 view-gray1408 dəfə oxunub
view-gray1408 dəfə oxunub

Çimərlik şəkli ilə səs-küy salan şair: "Azərbaycan oxucusu məni anlaya bilməz..."

Kulis.az son günlər sosial şəbəkələrdə çimərlikdəki fotosu ilə diqqət çəkən şair Yafəs Türksəslə qısa müsahibəni təqdim edir.

- Çimərlik paltarında çəkdirdiyin foto feysbukda xeyli müzakirələrə, ironiyalara səbəb oldu. Səncə niyə cəmiyyətin qəzəbinə tuş gəldin?

- Azərbaycan xalqı indi böyük hadisələr gözləmir. Xalq bu duruma öyrəşib, cəmiyyət oturuşub. Kiçik hadisələr, artıq böyük hadisə sayılır. Birinci və əsas səbəb budur.

- Əksəriyyət sənin yaş kriteriyanı nəzərə alaraq, bunu sənə yaraşdırmadı...

- Bu məsələdə yaş, paxıllıq, istirahətə gedə bilməmək, sevgili qazana bilməmək, maddi çətinlik, mühafizəkarlıq, məni ermənipərəst bilmək, Səməd Vurğunu aşağılayan biri kimi təqdim olunmağım və əlbəttə mental dəyərlərə toxunmaq kimi çoxsaylı səbəblər var.

- Sən Səməd Vurğunu, Ramiz Rövşəni, Vaqif Bayatılını şair kimi tənqid etmisən. Bəs kimdi sənin üçün böyük şair?

- Dediyin şairləri bəyənirəm. Amma yerlərini, haracan olduqlarını göstərirəm. Tam bəyənmək mümkün deyil heç kimi. İndiki estetikayla baxanda, Dostoyevski kimi nəhəng də uzunçu, cansıxıcı görünür. Mən fetişləşdirməyin əleyhdarıyam. Ramiz Rövşəndə şeirlər bir qütblüdür. “Hamıdan küsüb gedirəm” kimi birqütblü yazmağın əleyhinəyəm.

- Ailəli qadınla fotolarını paylaşırdın. Bu sənin üçün problemlər yaratmadı?

- Əlbəttə, həm məşhurlaşdırdı, həm də hörmətdən saldı müəyyən təbəqələrdə. Gərək etməyəydim, dostluğu aşiq-məşuqluq kimi anladılar.

- Axı sən onu sevdiyini deyirdin...

- Sevgi olub. Sonra möhkəm dostluğa çevrilib. Amma müəyyən zaman kəsiyində hər ikimiz acığa özümüzü cəmiyyətə sevgili kimi təqdim etdik. Bu da xoşagəlməz nəticələr verirdi.

- Ümumiyyətlə, niyə tez-tez şəxsi məsələlərinlə gündəmə gəlmək istəyirsən?

- Vallah, qəribçilik idi, ömrümdə birinci dəfə çimərlik şəkli paylaşmışdım. Heç ağlıma gəlməzdi gündəm olacaq. Mənim tanınmağa ehtiyacım yoxdur, televiziyadan bütün xalq görür məni.

- Zatən cəmiyyət içində diqqət çəkirsən, amma niyə mətnlərinlə gündəm yaratmırsan?

- Mətnlərim hazırlıqlı oxucular üçündür. Onlar çox sevir məni. Azərbaycanın ən irəli getmiş oxucular təbəqəsi hələ Ramiz Rövşənin oxucularıdır. Ən müasir şeirləri olsa-olsa 100 adam anlayır.

- Yəni demək istəyirsən ki, Azərbaycan oxucusu sənin mətnlərini anlaya bilmir?

- Bəli, əksəriyyəti anlamır, çaşır oxuyanda. Ənənəvi düşüncələri dağıdıram axı.

- Özünü post şair hesab edirsən. Ancaq statuslarında redaktə səhvləri edirsən. Niyə?

- Azərbaycan dili qrammatikasını hələ orta məktəbdən yaxşı bilirəm. Fərqlənməylə bitirmişəm orta məktəbi. Səhvlər tələsiklikdən olur, yazandan sonra, baxıram ki, cümlələr əyri-üyrü görünür. (gülür)

- Bəlkə sən də xalq şairi adı almaq istəyirsən?

- Xalq şairi adı mənim bütün yaradıcılığımın, şəxsiyyətimin məhvi olardı. Məhv! Anlayırsanmı?!

- Niyə?

- Bütünlüklə! Şeirlərimdə dediklərimi danmaq olardı!

- Rusiyaya niyə tez-tez gedirsən?

- İldə bir dəfə gedirəm. Həm səyahət, həm istirahət, həm də mənə maddi kömək edən qohumlar, kəndçilər, dostlar var...

- Rusiyada şair kimi tanınırsan?

- Oradakı insanlar şair kimi də, haqq sevər insan kimi də tanıyırlar məni. Əsl oxucularım isə təbii ki, azdır.

- Sonda səni trollayan gənclərə nələr demək istəyərdin?

- Müasir düşüncəyə çatmağa çalışsınlar. Hər sahədə. Bütün sahələrdə çox geriyik. Proqressiv insanları qorumağa çalışsınlar. Yoxsa, məhvə gedərik.

news-inner-user

16544 məqalə

Oxşar xəbərlər

Xəbər lenti

Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020