Dilimi göstərməkdən utanaram – Günün Şeiri
Bu gün məşhur türk müğənni Yıldız Tilnbənin doğum günüdür. Kulis.az bu münasibətlə Sevinc Elsevərin Yıldız xanıma həsr etdiyi “Sevgidə kompleksli qadın” şeirini təqdim edir.
Sevimlim Yıldız Tilbəyə ithaf
bükülüb otururam
kağıza soxuluram
qoca görünürəm
donqarlaşır belim
bilirəm...
ağladımsa
üzümdə artır qırışlar
bir az da böyüyür burnum
yekəlir ağzım
ötən yaz üst damağımdan çəkdirdiyim dişin
boş yeri görünür
güləndə gizlədə bilirəm halbuki
ordakı qara dəliyi
ağlayanda yadıma düşmür.
küsdümsə,
əyilir üzüm
çatılır qaşım
yığılır alnım
dodaqlarım büzülür
yaraşmır mənə küsmək...
hirslənsəm,
göyərir üzüm
xırıldayır səsim
qışqırsam, dilim görsənir nəyi var
dilimi göstərməkdən utanaram oysa həmişə...
yatanda necə göründüyümü
bilmək istədim
gözümü yumdum
şəklimi çəkdim
baxdım xeyli azalıb gözəlliyim
ağzım açıq qalır yatarkən
uşaqlığımdakı kimi...
indi yanında ölməyim gəlsə,
necə görünəcəyimi dərd edəcəm
əvvəlcə...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər