news-inner
clock17:30 calendar-gray 14 İyul 2019 view-gray815 dəfə oxunub
view-gray815 dəfə oxunub

"Eşq məni ağrıda bilmir əvvəlki kimi..." - Sevinc Elsevərdən Şeirlər

Kulis.az şairə Sevinc Elsevərin şeirlərini təqim edir

Gedən sevgililərə ithaf

Isti bir yay gecəsində

Sərin bir meşədə

Kabab yeyib dağılışanların

Köz altında unutduğu

katrof kimi yanıram cayır-cayır

Tək-tənha...

Eheeyyy, gedən sevgilər

heç birinizi unutmadım!

Xatırladığım olur köks ötürərək

Bəzinizi uzaq bir yolçuluqda

Rastlaşdığım yol yoldaşım kimi

bəzinizi istəmədən

bəzinizi istəyərək

xatırladığım olur

isti bir yay gecəsində

sərin bir meşədə

sönməkdə olan ocaq

mehin bir himinə bənddi

yanğın törədə

ağaclara heyf!

ey gedən sevgilər

zərrə darıxdığım yox

amma

qəlbimdən hərəniz bir ox çıxarıb getdiniz

Cırtdana divi məğlub edən

ələyə döndərdiniz köksümü

eşqlə ha doldururam

içində durmur

axıb gedir...

eşq məni ağrıda bilmir əvvəlki kimi...

isti bir yay gecəsində

sərin bir meşədə

köz altında unudulan kartof kimi

kinliyəm indi

acı və dadsız...

***

sevərdik uşaqkən

yaralarımızın qaysağını qoparmağı

günəşdə yanan dərimizin

qabığını soymağı

qəribə həzz verərdi bu bizə

bir yaranı dəfələrcə

yenidən qanadardıq

qoymazdıq sağala

indi kədərlərimizi

dönə-dönə yada salmaqdan həzz alırıq

qopardaraq ürəyimizdəki qaysaqları…

***

Dinlərin dostluğu

açıq yay səndəlinin ipləri

ağappaq xaç şəkli salmış

müsəlman qadının

günəşdən qaralan ayaqlarına

dəstəmaz alanda

sataşır gözü

gülümsəyir

dinlərin bədənində qovuşmağına

öz-özünə alınan dostluğuna.

***

yüzillik tavada makaron qovurur nənə

yüzillik tavanın bağrından ət iyi qalxıb

yayılır evə...

qoxunu alan balaca

mətbəxə yüyürüb ət istəyir nənəsindən

balacanın ət iştahasını küsdürmək üçün

tavanın qapağıyla qovur onu nənə

əlacı olsa ürəyini çıxarıb tavaya atar

bişirər

nəvəsinə verərdi oysa...

***

çoxlu bacı-qardaşımızın

həyatını əlindən almışıq

dədəmizin belindən gəlib

anamızın bətninə gedən yolda

yaradılışdan qatillik

ona görə

acımasızlıq var

hər birimizin qanında...

***

metroda bayaqdan bəri

başının üstündə dayandığım cavan oğlan

yerini bir yaşlı qadına verdi

görmədi içimdəki yorğunluğu

aldatdı onu üzümdəki

gənclik maskası

illərin yorğunluğuyla

yırğalana-yırğalana

bu basabasda

bu insan dənizində

ağır bir gəmi kimi üzüb

çıxdım sahilə...

news-inner-user

15768 məqalə

Oxşar xəbərlər

Xəbər lenti

“Çəkməli pişik” onlayn göstəriləcək
18:44 07 İyul 2020
Əfsanəvi musiqiçi vəfat etdi
18:09 07 İyul 2020
Bizim üçün qızılgül – Cavanşir Yusifli yazır...
17:30 07 İyul 2020
Bred Pitt yeni filmə çəkilir
16:48 07 İyul 2020
Filmdəki "Kəndimiz" mahnısının ifaçısı dünyasını dəyişdi
16:06 07 İyul 2020
Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək?
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020
Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020