news-inner
clock14:29 calendar-gray 12 İyul 2019 view-gray385 dəfə oxunub
view-gray385 dəfə oxunub

Nəsimi müsabiqəsinin qalibləri mükafatlandırılıb

İyulun 12-də Rəşid Behbudov adına Azərbaycan Dövlət Mahnı Teatrında “Nəsimi ili: klassik ədəbi irsə müasir baxış, milli və bəşəri ideyaların təbliği” mövzusunda jurnalist yazıları müsabiqəsinin qaliblərinin mükafatlandırma mərasimi keçirilib.

Müsabiqə Mədəniyyət Nazirliyi və Azərbaycan Respublikasının Prezidenti yanında Kütləvi informasiya vasitələrinin İnkişafına Dövlət Dəstəyi Fondunun (KİVDF) birgə təşkilatçılığı ilə reallaşıb.

Tədbir çərçivəsində “Mədəniyyət” qəzetinin “İmadəddin Nəsimi 650” adlı xüsusi buraxılışının çapdan çıxdığı bildirilib. Qeyd olunub ki, “İmadəddin Nəsimi 650” xüsusi buraxılışı dahi şairin yubileyinə, “Nəsimi ili”nə töhfə olmaqla bərabər, respublikamızda, eləcə də xarici ölkələrdə bu mövzuda keçirilən tədbirləri, mədəniyyət layihələrini bir daha məcmu halda oxuculara təqdim edir. Nəfis tərtibatlı, rəngli nəşr 48 səhifədən ibarətdir.

Vurğulanıb ki, müsabiqə Azərbaycan Respublikası Prezidenti İlham Əliyevin "Nəsimi ili" ilə bağlı 11 yanvar 2019-cu il tarixli Sərəncamından irəli gələrək jurnalistləri stimullaşdırmaq məqsədi ilə həyata keçirilib.

Tədbir bədii hissə ilə başlayıb, İmaməddin Nəsiminin qəzəlləri səsləndirilib, muğam ifaçılarının ifasında musiqi nömrələri təqdim edilib.

Mədəniyyət naziri Əbülfəs Qarayev çıxış edərək bildirib ki, Mədəniyyət Nazirliyinin hər il Mətbuat günü ərəfəsində müsabiqə keçirməsi ənənəvi hal alıb:” Builki təqdimat keçən illərdəkindən fərqlənir, çünki böyük Azərbaycan şairi İmaməddin Nəsimiyə həsr olunub. Onu da diqqətinizə çatdırım ki, “Nəsimi ili” ilə bağlı keçirilən tədbirlər bununla yekunlaşmayacaq. Şəhər (rayon) mədəniyyət müəssisələrində yubileyə həsr olunmuş ədəbi-bədii gecə, konfrans, dəyirmi masa, kitab sərgiləri ilin sonuna kimi davam edəcək”.

Nazir qeyd edib ki, “Nəsimi ili”nin bu il keçirilməsinin xüsusi əhəmiyyəti var: “İki gün sonra biz Azərbaycanın ümummilli lideri Heydər Əliyevin hakimiyyətə gəlməsinin 50 illiyi qeyd edəcəyik. O vaxt Heydər Əliyev hakimiyyətə gəlməsəydi, bu gün nə Nəsiminin yubileyini qeyd edərdik, nə də başqa dahilərimizi dünyaya tanıdardıq. Hamımıza məlumdur ki, Azərbaycan xalqının keçdiyi yola bəşəriyyətin verdiyi qiymət heç də hər zaman istədiyimiz kimi olmamışdır. Ona görə də Azərbaycan xalqının öz əcdadlaırna qayıdışı dünyaya sübut edir ki, biz böyük mədəniyyətə malik xalqıq. Bax mən buna görə bu tədbiri əlamətdar hesab edirəm”.

Əbülfəs Qarayev bildirib ki, ümummilli lider Heydər Əliyev hakimiyyətə gəldikdən sonra ilk addımlarından biri Nəsiminin adının UNESCO-da tanıtdılması olub: “İndi isə UNESCO-nun tədbirləri Azərbaycanda keçirilir. Bu da Azərbaycanın bu 50 ildə keçdiyi yoldur. Biz xalqımızın mədəniyyətini qorumaqdan ötrü bu gün apardığımız işdə gələcəyə baxaraq keçmişi unutmamalıyıq”.

Nazir qarşıdan gələn Mətbuat Günü münasibətilə bütün jurnalistləri təbrik etdi, qalib gələn mətbuat nümayəndələrinə gələcək fəaliyyətlərində uğurlar arzulayıb.

Tədbirdə KİVDF-nin icraçı direktoru Vüqar Səfərli qeyd edib ki, Nəsiminin 650 illiyinin keçirilməsi ilə bağlı tədbirlər planında yer alan əsas məqamlardan biri də onunla bağlı müsabiqənin təşkilidir: “Biz daha bir neçə tədbir keçirməyi planlaşdırırıq. Bizim hər il Mədəniyyət Nazirliyi ilə birgə təşkil etdiyimiz müsabiqə olur. Budəfəki müsabiqəyə 23 kütləvi informasiya vasitəsindən 36 yazı daxil olub. Yazılar ekspertlər tərəfindən qiymətləndirilib. Müsabiqənin nəticələrinə əsasən 16 jurnalistin yazısı mükafat qazanıb”.

Sonra qaliblər mükafatlandırılıb.

news-inner-user

16472 məqalə

Oxşar xəbərlər

Xəbər lenti

Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir? – Mütəxəssis rəyi
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020
Pula görə təhsilini yarımçıq qoydu, repressiyadan təsadüfən xilas oldu, xanımı başqa qadınla evlənməsini istədi – Üzeyir bəydən maraqlı faktlar
12:08 18 Sentyabr 2020
Müəlliməni intihara aparan səbəb
11:36 18 Sentyabr 2020
Musiqi Günü ilə bağlı elektron baza hazırlanıb - Link
11:02 18 Sentyabr 2020
Tanınmış yazıçı vəfat etdi
10:33 18 Sentyabr 2020
27 yaşda intihar edən müəlliməyə gecikmiş təsəlli
10:04 18 Sentyabr 2020
Bəy!
09:36 18 Sentyabr 2020
Qanı gördükcə qorxudan titrəyirdim - Bircənin romanı
09:00 18 Sentyabr 2020
Xalq artisti qonşusunu məhkəməyə verdi
19:05 17 Sentyabr 2020
Sinəm üstə saxlaram ayağının izini... – Rəbiqə peyğəmbərlərə şeir yazdı
18:32 17 Sentyabr 2020
Mədəniyyət Nazirliyindən fəxri adlarla bağlı açıqlama - "Prosedurlar dəyişəcək"
17:57 17 Sentyabr 2020
67 yaşlı qonşusunu döyən Halil Sezai məhkəmə qarşısına çıxarıldı – Video
17:21 17 Sentyabr 2020
Müslüm Maqomayevə konsert həsr olunacaq
16:39 17 Sentyabr 2020
Mənim ömrüm Tanrı ömrü – Şeirlər
15:44 17 Sentyabr 2020
“Neftçi” qalıb ki? – Yazıçılar “Qalatasaray”la oyundan danışdı
15:01 17 Sentyabr 2020
Milli Musiqi Günündə “O olmasın, bu olsun” yenidən nümayiş ediləcək
14:20 17 Sentyabr 2020