news-inner
clock12:10 calendar-gray 11 İyul 2019 view-gray16586 dəfə oxunub
view-gray16586 dəfə oxunub

Mən elə həmin uşağam... – Şahin Musaoğlundan ad günü şeirləri

Bu gün vətənpərvər şeirləri, marş və mahnıları ilə sevilən Şahin Musaoğlunun doğum gündür. Onun 56 yaşı tamam olur. Kulis.az bu münasibətlə Şahin müəllimi təbrik edir və onun şeirlərini oxucuların diqqətinə çatdırır.

Ad günümə

Mən sabaha bu günümdən başladım
Ümüdümnən güvənimnən başladım
Hər keçən il, bir yaş qoydu çiynimə
Uzun yola öz-özümnən başladım.

Davam deyib yolu yoldan öyrəndim
Gülü güldən, kolu koldan öyrəndim
Yaranışın bir ilahi kəlmədən
Yaradanın hökmü "OL"dan öyrəndim

Ömür ki var dağa bənzər, əzizim
Dırmandıqca səni üzər, əzizim
Yorularsan amma gözün dincələr
Seyr etdikcə ruhun süzər əzizim.

Kim deyir ki, yaşa dolan qocalır
Arzusundan yoxsul olan qocalır
Qəlbi sevən gözəllikdən zövq alan
Arif insan yaşlandıqca ucalır

Vətən

Vətən - ünvanı zamanlar
və mövsümlər
üstündə dayanan
qos-qocaman yurd yeri.
babamın ayaq səsləri
nənəmin nağıl dünyası
atamın həniri, nəfəsi
anamın laylası...

Qoxusu neft dadır
havasının yağışı,
yağmuru, günəşi, qarı
bir də sərt
rüzgarı vardır.

Rəsmini çək desələr
ay-ulduzlu bayrağımı çəkərəm.
Tərifini sorsalar
Deyərəm: “Dünyaya gəldiyim bu yer,
dərdindən öldüyüm bu yer”

Nə var, nə yox?!

“biri vardı, biri də... itmişdi”

3 yaşlı Ziyanın dediklərindən.

Həyatın rəngi sarıdı,
Ömür – ölümə sarıdı...
Hər “yox”un, “yox”dan varıdı
- nə var, nə yox?!

Əlim əlinə çatacaq,
Adım dilinə yatacaq...
Yuxum gözünü tapacaq;
- nə ac, nə tox ?!

Yol gedib yolu gətirər,
Boz bulud – dolu gətirər
Verən əl dolu gətirər;
- nə az, nə çox?!

Həyat bazarlığı

Saçlarımı vaxt darağı.
Daradı - bivaxt daradı.
Axır ki, çıxdım qaradan
Saqqalın ağaran vaxtı.

Görən neçə gecəm qalıb
Ömrümün bu üzündə?!
Neçə səhər açasıyam
Dirigözlü gözümlə.

Zaman yenə oyun qurub,
Öz əlinə oynayır.
Əvvəl yorur, əldən salır,
Sonra əlindən salır.

Ömrün içindəki ölüm -
Hər addımbaşı bir tələ.
İndi nə gecik, nə tələs,
Ömür sür “ölə-ölə”....

“Nə təhər məsləhətdi”

Ürək yenə sözə baxmır,
- nə təhər, məsləhətdi.
ya dayansın, ya da dözsün,
- birtəhər, məsləhətdi.

Sevgini o verdi, mənə,
mən də bir qıza verdim.
Dedi, gözlə, gözləyirəm
- nə qədər məsləhətdi.

“Yaş artar, ömür çoxalmaz”,
eşqin yarası sağalmaz.
hər dərddən sinə dağ olmaz,
- nə çəkər, məsləhətdi.

Ömrümüzün dörd fəsli var.
qaldırın badələri, dostlar:
“gəlməsin qəlbin payızı,
- nə gələr məsləhətdi!”

Çatışmır

İndi özümün özümlə
Sonuncu davam çatışmır.
İçimdə dərd nəfəs alır,
Çölümdə havam çatışmır.

Yenə də dərsə gedirəm,
Ömrümü tərsə gedirəm.
"İt hürən səsə gedirəm",
Bir xeyir-duam çatışmır.

Üz tutub haqqın yoluna,
Yetişdim ömrün sonuna.
Salam verdim sağ-soluma,
Gördüm əlvidam çatışmır.

Ömrü saralı varağam,
Qəlbi yaralı bulağam,
Mən elə həmin uşağam -
Anamla atam çatışmır.

news-inner-user

19515 məqalə

Oxşar xəbərlər

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021