Kulis.az Burak Aksakın “Leyla ilə Məcnun” romanından seçmələri təqdim edir.

“Bəlli ki aşiq olmusan övladım. Bura çarəsiz aşiqlərin son dayanacağıdır. Sevdiyinə qovuşsan məşq, qovuşmasan eşq olur. Qovuşmayan aşiqlər sevdiklərini bu səhrada axtarırlar, qovuşanlar isə dəllal yanında gəzib dolaşarlar.”

“Dədə, insan sevdiyini necə unudur? Mən hələ Besiktaşın 1992-93-cü mövsümündə oynayan komanda heyətini unutmamışam. Bu qızı necə unuda bilərəm? Bu qaynar qumluq, bu alov kimi yanan günəş, bu qütb ayısı şahid olsun ki, mən bu qızdan heç vaxt əl çəkmərəm dədə... Yuh! Orada qütb ayısı var?”

“İnsan aldığı hər zərbədən sonra “Yox, bundan sonra heç kimə etibar etmərəm” deyib növbəti dəfə zərbə almağa davam edən bir canlıdır”

“İnsan ən çox keçmişindən qaçır, ancaq insanı ən çox da keçmişi xoşbəxt edir.”

“Hər evin özünə məxsus qoxusu var. Özgə bir evə girəndə sənə qəribə gələn qoxu həmin evdə yaşayanlar üçün rahatlığın, əmin-amanlığın qoxusudur.”

“Bəzi ataların sakitliyi də Fevzi Tuncayın qoruduğu Beşiktaş qalası kimidir. Ən güvəndiyin məqamda sənə qol vurdura bilər.”

“Bax, dəliqanlı, həyat düşündüyümüzdən daha qarışıqdır. Hər xaos öz sistemini yaradır. Və inan mənə son deyilən bir şey yoxdur. Sadəcə başlanğıc var. Hər sonluq başqa bir başlanğıcı yaradır. Mən yeni başlanğıclara inanıram.”

“İnsan ən böyük səhvi zaman məsələsində edir. O, özünü zamanın sahibi hesab edir. Hər dəfə necə olsa edərəm, hələ vaxtım var deyir. Ancaq zaman su kimi insanın əllərindən axıb gedir.”

“Sevgi bəzən nifrətdən belə təhlükəli olur.”

“İnsan böyüdükcə səmaya baxmağı da tərgidir.”

“Bu düynada hər kəsin bir yükü var. Mənim yüküm də xəyallarımdı.”

“Çoxluq bəzi gözəllikləri görməyinizə mane olur. Ya da bəzi gözəlliklər çoxluq azaldığı zaman ortaya çıxar.”

“Bəlkə başqa zaman, başqa bir yerdə, nəhayətdə yarımçıq qalan hər şey tamamlanmağa məhkumdur.”

“Son sözü deyənin mübahisəni qazandığı, daha çox qışqıranın haqlı görüldüyü, daha çox rəğbət olunanın uğurlu sayıldığı dünyada yaşayıram.”

• “Arxayın olun, mənə də növbə çatacaq...” - Hüseyn Cavid ailəsinə ünvanladığı son məktubda nə yazırdı?
• Məşhur repçi Trampın yeni mətbuat katibi ola bilər
• Məşhur komediyaçı azyaşlılara qarşı cinsi istismarda təqsirləndirildi