news-inner
clock09:57 calendar-gray 29 İyun 2019 view-gray193 dəfə oxunub
view-gray193 dəfə oxunub

Cüzeppe Verdinin “Rekviyem” əsəri təqdim olunub

İyunun 28-də Heydər Əliyev Mərkəzində “Cüzeppe Verdi. Rekviyem” adlı klassik musiqi gecəsi keçirilib.

Görkəmli bəstəkar Cüzeppe Verdinin məşhur “Rekviyem” əsəri müxtəlif ölkələrdən olan musiqiçilərin ifasında təqdim olunub.

Əsəri Üzeyir Hacıbəyli adına Azərbaycan Dövlət Simfonik Orkestri, Azərbaycan Dövlət Xor Kapellası, Vano Saracişvili adına Tbilisi Dövlət Konservatoriyasının Xoru və Batumi Dövlət Musiqi Mərkəzi Kapellası ifa edib.

Rusiyalı Yelena Mixailenko (soprano) bildirib ki, konsertə hazırlıq işləri yüksək templə aparılıb. Belə ki, cəmi iki dəfə məşq ediblər. Solistlər əvvəl bir yerdə oxumasalar da, hər şey çox gözəl alınıb. Bu gün isə bu gözəl nəticə təqdim edilir.

Bas vokalçı Antonio Di Mateo diqqətə çatdırıb ki, özü italyan olduğu üçün Cüzeppe Verdinin “Rekviyem” əsərini məhz Bakıda oxumağından çox məmnundur. Azərbaycan vokal məktəbini müsbət dəyərləndirən musiqiçi Azərbaycan vokalçılarının Avropa ölkələrinin konsert salonlarında getdikcə daha çox çıxış etdiklərini söyləyib.

Azərbaycanlı vokalçı Azər Zadə (tenor) qeyd edib ki, dünyanın müxtəlif ölkələrindən sənətçilərin burada bir araya gəlməsi çox sevindirici haldır. “Bu, şəhərimizin müəyyən mənada təbliğidir və hamımız bundan yalnız sevinirik", - deyə Azər Zadə bildirib.

Konsertin dirijoru, Xalq artisti Yalçın Adıgözəlov konsert proqramını ölkəmizin mədəni həyatında gözəl bir hadisə kimi dəyərləndirərək deyib: “Dünya klassik musiqi repertuarının şah əsərini, Cüzeppe Verdinin “Rekviyem” əsərini ifa edirik. Ümidvaram ki, bu ifa illər boyunca dinləyicilərin yaddaşından silinməyəcək. Çünki səhnədə 200 nəfər sənətkar bir araya gəlib. Uzun illər belə bir imkanın yarandığını gözləyirdik. Əlimizdən gələni etdik ki, bu hadisə Azərbaycan mədəniyyət tarixinə qızıl hərflərlə yazılsın”. Təşkilatçılara minnətdarlığını bildirən dirijor hamıya musiqi dolu gözəl bir gecə arzulayıb.

Almaniyadan olan Mareyke Yankovski (metso-soprano) Bakıya ilk dəfə gəldiyini deyib. Bildirib ki, azərbaycanlı sənətçilərlə işləmək çox gözəl bir təcrübədir. Dünyanın müxtəlif xalqları ilə musiqi ifa edəndə insan çox oxşar hisslər keçirir. Çünki musiqi insanları birləşdirir.

“Rekviyem” dahi bəstəkar Cüzeppe Verdinin solistlər, xor və orkestr üçün əsəridir. Əsərin ideyası 1868-ci ildə bəstəkar Coakkino Rossini vəfat edərkən yaranıb. Verdi Rossininin vəfatının ildönümü üçün matəm messası bəstələnməsi məqsədilə italyan bəstəkarlara müraciət edir. Əsərin müxtəlif hissələrinin yazılması üzrə bəstəkarlar arasında püşkatma olur və Verdiyə əsərin sonuncu hissəsi – “Libera me” düşür. Əsər 1869-cu ildə hazır olsa da, ifa edilmir. Bir ildən sonra Verdi "Rekviyem"i bütünlüklə özünün yazacağını açıqlayır. Bu vaxt o, artıq 2 hissəni bəstələmişdi.

1873-cü ildə Verdinin gənclik illərindən rəğbət bəslədiyi, tanınmış yazıçı Alessandro Mandzoninin ölümü əsərin tamamlanmasına təkan verir. “Rekviyem” 1874-cü il mayın 22-də Mandzoninin vəfatının ildönümündə Milandakı Müqəddəs Mark kafedralında bəstəkarın öz dirijorluğu ilə təqdim olunur. Üç gün sonra isə əsər “La Skala” teatrında böyük uğurla ifa edilir.

Texniki mürəkkəbliklərlə zəngin, çoxsaylı ifaçı tələb edən yeddi hissəli “Rekviyem” ilk gündən geniş auditoriya rəğbəti qazanıb. /azertag.az/

news-inner-user

15721 məqalə

Oxşar xəbərlər

Xəbər lenti

Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020
“Durna balığı” onlayn göstəriləcək
15:48 02 İyul 2020
Bakıda böyüyən yazıçının Avropada bestsellər olan romanı - O, rus çarına niyə "dünyanın ən bədbəxt adamı" deyirdi?
15:02 02 İyul 2020
Roma papasını lağa qoyan film çəkildi
14:15 02 İyul 2020
Uşaqlar üçün tamaşa
13:29 02 İyul 2020
Bəhram Bağırzadədən xoş xəbər
12:48 02 İyul 2020
“Laçınım” mahnısını efirə verməyə qorxdu, ailəsini mətbuatdan gizlətdi, qripin qurbanı oldu – Adını yanlış bildiyimiz Əməkdar artist
12:10 02 İyul 2020
Tələbə qız məşhur Azərbaycan romanından yazdı
11:49 02 İyul 2020
“Biz Kann festivalına ermənilərdən əvvəl getmişik” - Nazirlikdən açıqlama
11:15 02 İyul 2020
Kannda erməni biabırçılığı ilə bağlı Nazirliyə suallarım
10:37 02 İyul 2020
Dünyaca məşhur roman Azərbaycanda nəşr edildi
10:09 02 İyul 2020
Tağıyev bulağında qətl söhbəti – Ayxan Ayvazın yeni reportajı...
09:00 02 İyul 2020
Dünyanın ən böyük aforizm ustasından əzbərlənəsi 15 nümunə
21:02 01 İyul 2020
Ermitaj muzeyi açılır
18:42 01 İyul 2020
Uşaq arabasına qoşulan fil – Yazıçı Şahmar haqda esse
18:04 01 İyul 2020
"Ulduz"un iyun sayı nəşr edildi
17:12 01 İyul 2020
Röya koronavirus testindən keçib
16:29 01 İyul 2020