Bu gün I Fəxri Xiyabanda görkəmli aktyor, rejissor, peşəkar teatr sənətinin banilərindən biri Hüseyn Ərəblinskinin qəbirüstü abidəsinin açılış mərasimi keçirilib.
APA-nın məlumatına görə, mərasimdə mədəniyyət naziri Əbülfəs Qarayev, mədəniyyət və incəsənət xadimləri, ictimaiyyət nümayəndələri, sənətkarın ailə üzvləri iştirak ediblər.
Mədəniyyət naziri Əbülfəs Qarayev Hüseyn Ərəblinskinin yaradıcılığından danışıb. Nazir bildirib ki, teatr sənətinə adını qızıl hərflərlə yazdırmış Ərəblinski kimi şəxsiyyətlər heç zaman unudulmayacaq: "Hüseyn Ərəblinskinin vəfatından 100 il keçir. Belə bir təşəbbüs irəli sürüldü ki, onun adına layiq heykəl hazırlansın. Bu heykəlin qoyulmasında məqsəd Ərəblinskinin nə qədər dahi insan olduğunu bir daha göstərməkdir".
Qəbirüstü abidənin müəllifi Xalq rəssamı Ömər Eldarovdur.
Abidə Azərbaycan Teatr Xadimləri İttifaqının təşəbbüsü ilə Mədəniyyət Nazirliyi sifarişi əsasında hazırlanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər