Kulis.az Vüqar Əvəzov adına 300 nömrəli orta məktəbin ikinci sinif şagirdi Nuray Bağırlının “İkiyə bölünmüş mədənin nağılı” hekayəsini təqdim edir.

Biri var idi, biri yox idi, İnsanın bədənində bir mədə yaşayırdı. Onun işi asan deyildi. O, işləyir, yorulurdu, düzgün işləmirdi. Mədənin bir yarısı bədənə vitamin göndərsə də, o biri yarısı yeməyin içindəki bütün zərərli və pis şeyləri bağırsağa ötürürdü.

İnsan isə çoxlu şeylər yeyib bədənini sevindirmək istəyirdi.

Bir gün İnsan düz 158 dənə şokolad yedi. Bu mədəni çox narahat etdi və o, ikiyə bölünməyə məcbur oldu. Mədənin yarıya bölünmüş yuxarı hissəsi qəbul edilmiş şokoladın çoxluğundan bərk narahat oldu. O, bədəni çalışdırmaq üçün yorulmadan işləyirdi.

Amma, aşağıdakı mədə kefdə idi. Heç nə onu narahat etmirdi. O, öz işində idi. Şokoladın daxilindəki bütün pis şeylər bağırsağa yığılmışdı.

Yuxarı mədə dedi:

- Mən narahatam, bezmişəm, çıxıb getmək istəyirəm

Aşağı mədə: - Niyə?- deyə soruşdu.

- Çünki, İnsan çoxlu şokolad yedi və məni incitdi.

İnsan yatanda onlar birlikdə çıxıb getməyə qərar verdilər.

Gecə düşdü, İnsan yatdı. Mədələr birləşib gizlincə onun qarnından çıxdılar.

İnsanı yuxudan oyananda özünü narahat hiss etdi.

Axı onun mədəsi artıq yox idi!?

İnsan oturub ağlamağa başladı. Bu zaman mədə çıxdı və İnsana dedi:

- Sən bir də pis yeməklər yeyəcəksən?

İnsan: - Yox, heç vaxt – söylədi.

- Onda mən yenə sənin qarnına qayıda bilərəm.

O, vaxtdan etibarən İnsan ancaq xeyirli şeylər yeməyə, mədə də işləməyə başladı.

Beləcə, bütün işlər düzəldi.

• Məşhur aktrisa nüfuzlu mükafata layiq görüldü
• İmperator ordeni qazanan ilk azərbaycanlı general və maarifçi - Ona niyə ciddi nəzarət edirdilər?
• Azərbaycan media nümayəndələri İmam əl-Buxari Memorial Kompleksində