İyunun 11-də Bakı Dövlət Universitetində (BDU) böyük rus şairi Aleksandr Puşkinin anadan olmasının 220 illiyinə həsr olunmuş tədbir keçirilib.

APA-nın məlumatına görə, 21-ci dəfə təşkil edilən tədbir "Puşkiniana" Rusiya Federasiyasının Azərbaycandakı Səfirliyi, Rusiya Əməkdaşlıq Təşkilatının Azərbaycan nümayəndəliyi, Rus İcması və Rusdilli təhsil müəssisələrinin müəllimləri Assosiasiyasılarının təşkilatçılığı ilə baş tutub.

Tədbirdə həmçinin "Puşkiniana - 2019"un qalibləri mükafatlandırılıblar. Millət vəkili Mixail Zabelin qaliblərə diplom və mükafatları təqdim edib edərək "Puşkiniana"nın təşkilatçılarına minnətdarlığını bildirib: "Azərbaycanda böyük rus ədəbiyyatçılarına həsr olunmuş tədbirlərin keçirilməsi, rus dili üzrə olimpiadaların təşkili adət halını alıb. Bu Azərbaycan xalqının multikultural dəyərlərə hörmətinin əlamətidir. Biz zaman-zaman kimlərinsə Azərbaycan Rusiya əlaqələrinin pozmağa çalışdığının şahidi olmuşuq. Biz yaxın günlərdə Heydər Əliyevin hakimiyyətə yenidən qayıdışını, 15 iyun Qurtuluş gününü qeyd edəcəyik. Kimlər ki, Azərbaycanda azlıqlara qarşı dözümlü deyildilər, həmin adamlar xalq tərəfindən qəbul olunmurdular, məhz buna görə də, xalqın israrlı təkidi ilə Heydər Əliyev yenidən hakimiyyətə gəldi. Mən buna görə də Azərbaycan xalqına və hakimiyyətinə öz dərin təşəkkürümü bildirmək istəyirəm. Biz bu gün yenə də əlaqələrimizin möhkəmliyinə şahid oluruq".

Daha sonra tədbir Puşkinin yaradıcılığına həsr olunmuş şeir və musiqi parçaları ilə davam edib.

• Dirilmə - Xuan Karlos Onettinin hekayəsi
• Göyündə Allah boğulur - Ramiz Rövşən
• "Elə yenə səni sevərdim, qadın..." - Xuan Ramon Ximenesin şeirləri