YUĞ Teatrının “Sonuncu” tamaşasının kinoversiyası hazırlanır. Kinoversiyanın quruluşçu rejissoru Xalq artisti Ramiz Həsənoğludur.

Rejissor open.az-a açıqlamasında kinoversiyanın teatr tamaşasından fərqlənəcəyini deyib:

“Çəkilişlər YUĞ Teatrında aparılır. Dövlət Kukla Teatrının direktoru Rəşad Əhmədzadəyə göstərdiyi köməyə, dəstəyə görə xüsusi təşəkkürümü bildirirəm. YUĞ Teatrında film üçün xüsusi pavilion qurub, çəkilişləri davam etdiririk. Çəkilişlər bir həftə içərisində bitəcək. Tamaşadan fərqli olaraq əsərin kinoversiyasında xüsusi musiqinin olacağı nəzərdə tutulub. Sözsüz ki, kinoversiya teatr tamaşasından fərqlənəcək”.

Xatırladaq ki, “Sonuncu” tamaşasının quruluşçu rejissoru və səhnə tərtibatçısı Ramiz Həsənoğludur. Səhnə əsərinin geyim üzrə rəssamı Nana-Burxan, musiqi tərtibatçısı Əlibala Qasımovdur. Qrafika işləri Əhməd Məcidov və Nazim Sadıqova məxsusdur. Tamaşada əməkdar artist Fərhad İsrafilov, aktyorlar Hikmət Rəhimov və Ləman Mərih çıxış edib.

Əsəri gənc yazıçı Pərvin A.P.Çexovun yaradıcılığından bəhrələnərək yazıb və pyesdə baş verən hadisələr müasir dövrə uyğunlaşdırılıb. Tamaşada qocaman aktyor Əlisöhbət Qələndərlinin timsalında sənət adamlarının taleyi, yaşantıları və düşüncələri ifadə olunub.

• Ey mənim istəyim, nə gəlməz oldun! - Əli Kərim
• “İpək Yolları Gənclərin Gözü ilə” beynəlxalq foto müsabiqəsinə başlanıldı
• Yeseninin "vəhşi ilahəsi" - O, niyə ABŞ vətəndaşlığından imtina etmişdi?