news-inner
clock09:00 calendar-gray 01 İyun 2019 view-gray526 dəfə oxunub
view-gray526 dəfə oxunub

Bank yarır, maşın qaçırır, ancaq həbs olunmur

Kulis.az “Əsl kino” layihəsində Stiven Soderberqin “Əlavə təsir” və Daqura Karinin “Noy ağ qarğadır” filmlərini təqdim edir.

Amerikalı rejissor Stiven Soderberqin “Əlavə təsir” psixoloji trilleri 63-cü Berlin kinofestivalının əsas proqramının iştirakçısı olub.

Süjet: Qəhrəmanlardan biri Emili, (Runi Mara) əri Martin (Çenninq Teytum) maliyyə maxinasiyalarına görə həbs olunanda əsəb sarsıntısı keçirir. Amma ərinin həbsdən çıxmasıyla özünə gələ bilmir. Çünki ailənin maddi sərvətini, nüfuzunu, mövqeyini itirməyin tək günahını ərində görür. O, intihar məqsədilə maşını qəzaya uğratsa da sağ qalır. Xəstəxanada onu psixiatr Conatan (Cud Lou) müayinə edir. Psixiatr Emilini o şərtlə buraxır ki, qadın onun yanına nizamlı şəkildə müalicəyə gələcək.

Emili müxtəlif antidepressantlar qəbul etsə də, heç birinin təsiri olmur. Conatan onun keçmiş psixiatrı Viktoriya (Ketri Zeta Cons) ilə görüşür və o, Emiliyə yeni “Abliks” adlı preparat verməyi məsləhət görür. Conatan yeni çıxan dərmana şübhəylə yanaşsa da, preparat Emiliyə müsbət təsir göstərir. Bununla belə dərmanın qəbulu nəticəsində onda somnambulizm (yuxuda ikən insanın qeyri-adi hərəkətləri) baş verir və o, ərini qətlə yetirir.

Emilinin cinayəti Conatanın karyerasına mənfi təsir göstərir. Çünki preparatı təyin etdiyi üçün o, günahkar bilinir, üstəlik, ailəsi dağılır. Conatan sonradan anlayır ki, o tələyə düşüb. Emili əslində depressiyada deyil, o tamamən sağlamdır. Qadın sadəcə depressiyanı simulyasiya edir. Conatan onun izinə düşməyi qərara alır...

Soderberq adətən triller janrında klişelərə qaçmır, onun qaydalarından ustalıqla istifadə edir və nəql texnikası ilə janrı yeniləməyə çalışır. Əhvalatdakı gözlənilməz döngələr, fabulanı mürəkkəbləşdirən dramaturji fəndlər, keyfiyyətli aktyor oyunu filmin gərgin tempo ritmini saxlayır.

Müəllif günümüzdə aktual olan problemləri təsvir edir. O, işbazların mənfəətpərəstliyi üzündən toplumun manipulyasiyası, insan sağlamlığını, peşəkarların nüfuzunu təhlükə altında qoyması kimi məsələlərə toxunur.

Soderberqin psixoloji tirllerində, Emili obrazının konsepsiyasında bu janrın ustası Alfred Hiçkokun kinodünyasının təsiri duyulur. Misalçün, psixiatrı Viktoriyanın təsiri altına düşmüş Emili Hiçkokun “Başgicəllənmə” filmindəki Madlen obrazının müasir traktovkasıdır. Madlen də sifarişlə ruhi xəstə qadını simulyasiya edir.

Film başqa, daha önəmli məsələni diqqət mərkəzinə gətirir: antidepressantlar problemlərdən çıxış yoludurmu? Sual birbaşa səslənməsə də, əhvalatdakı gedişat onu doğurur. Sual açıq qalır və düşündürməyə vadar edir.

***

İsland rejissoru Daqura Karinin “Noy ağ qarğadır” ekran əsəri 2003-cü ildə lentə alınıb, Almaniya, Danimarka və Böyük Britaniyanın birgə istehsalıdır. Film Avropa Kinoakademiyasının müxtəlif nominasiyalarına təqdim edilib.

Süjet: 17 yaşlı Noy (Tomas Lemarki) ucqar bir kənddə atası və nənəsi ilə birgə yaşayır. Noy ona tapşırılan işi yarıtmır, dərslərə nizamlı getmir, gedəndə isə dərs zamanı yatır. Sonra isə məktəbə diktofon göndərir ki, müəllimin dərslərini yazsın. Hamını qıcıq edən Noya kimsə ciddi yanaşmır. O, bankı yarmaq istəyəndə, avtomobil qaçıranda belə onu qeyri-ciddi saydıqlarından həbsə almırlar. Onun arzusu sevdiyi qız Ayrislə (Elin Hansdottir) bu kənddən uzaqlara getməkdir...

“Noy ağ qarğadır” sosiumun qəbul etmədiyi, sosial normaları daim pozan, bu dünyada necə yaşamalı olduğunu bilməyən, çıxış yolunu uzaqlara getməkdə görən gəncin hekayəsidir. Ona elə gəlir ki, xoşbəxtlik deyilən şey haradasa uzaqlardadır.

Aktyor Noy obrazını emosiyasız, introvert kimi təqdim edir. Və onun emosional qatı olmayan məni, monoton həyatı - kəndin soyuq tonlarda çəkilən nəhayətsiz, boş, sıxıcı təsvirlərində vizual həll olunur. Noy özünəməxsus davranışıyla cəmiyyətə üsyan edir.

Final epizodunda özünə qapanmış Noy hər kəsdən təcrid olunaraq zirzəmiyə girir. Və bu zaman baş vermiş qar uçqunundan xilas olur. Toplumun Noyu özünü izoləyə məcbur etməsi onun xilasına çevrilir. Noyun bütün ailəsi və sevdiyi qız isə uçqunda həlak olur.

Baş vermiş faciə Noya həyata baxışının dəyişməsində rol oynayacaqmı?

Oxşar xəbərlər

Xəbər lenti

Qardaşımı görəndə əsə-əsə ağlamağa başladım - Bircənin romanı
09:00 24 Yanvar 2020
“Bu şəhərdə”nin Sumayıt konsertinə icazə verildi
21:26 23 Yanvar 2020
Şahmat... Ya da üç gedişə heç-heçə - Əyyub Qiyasdan hekayə
21:01 23 Yanvar 2020
Qiraətçilər Vaqif Səmədoğlunun şeirlərini səsləndirəcək – Xatirə gecəsi
18:40 23 Yanvar 2020
Ağıllıdırsa, ərini deputat da edər - Dahilərin qadınlar haqda aforizmləri
18:08 23 Yanvar 2020
Müğənni həmcinsi tərəfindən zorlandığını etiraf etdi
17:34 23 Yanvar 2020
Məşhur caz ustası Bakıda konsert verəcək
16:53 23 Yanvar 2020
Avstarliyalı musiqişünas Ərtoğrul Cavidin musiqilərini aranjeman edəcək
16:11 23 Yanvar 2020
Ekoloji tənqid: ədəbiyyatın təbiət qarşısında məsuliyyəti – Qismət yazır…
15:25 23 Yanvar 2020
Rüstəm İbrahimbəyov: “Məktəb açıb, izləyici yetişdirəcəyik”
14:18 23 Yanvar 2020
Moskvada Polad Bülbüloğlunun 75 illiyi qeyd edilib
13:29 23 Yanvar 2020
"LİBRAF" Avtovağzalda "Oxu zalı" yaratdı - Fotolar
12:50 23 Yanvar 2020
Fotoşopla başına tük əkdirən, kostyum reklamı edən, gülməli şüarlar səsləndirən namizədlər
12:21 23 Yanvar 2020
Anna Axmatova iki dəfə "Nobel"ə namizəd olubmuş - Fakt
12:00 23 Yanvar 2020
16 yaşda ərə verilən Əfsanə evdən niyə qaçdı?
11:21 23 Yanvar 2020
Komediya ulduzu nadir xəstəlikdən vəfat etdi
10:50 23 Yanvar 2020
Sağ əli ilə sol qulağını qaşıyanlar - Seymur Baycan yazır...
10:26 23 Yanvar 2020
"Sihirli annem" film olur
10:10 23 Yanvar 2020
Səməd Mənsurun kitabı çap olunub
09:51 23 Yanvar 2020
Ramiz Həsənoğlunun “Sonuncu” fiaskosu
08:58 23 Yanvar 2020