Konçalovski Kanna etiraz etdi: "Bunu ancaq kor görməz!"

Kino

Ana səhifə
Kino

Konçalovski Kanna etiraz etdi: "Bunu ancaq kor görməz!"

29 may 2019

16:17

Rusiyalı rejissor Andrey Konçalovski Kann və Berlin kinofestivallarındakı yeni qaydalardan hiddətlənib.

Kulis.az-ın rus mətbuatına istinadən verdiyi xəbərə görə, Konçalovskini Berlin və Kann kinofestivalında yeni qaydaların tətbiq olunmasını şərh edib.

Onun sözlərinə görə, Kann və Berlin kinofestivalı “gender bərabərliyi haqda” xüsusi memorandum imzalayıb və bu sənədə əsasən müsabiqədə iştirak edən qadın və kişilərin sayı eyni olmalıdır.

“Bundan absurd nəsə təsəvvür edə bilmirəm! Bu, Avropanın qürubundan xəbər verir. Yəqin növbəti addım seksual azlıqların və məhdud imkanlıların iştirakının mütləqliyi olar!” - deyə, Konçalovski söyləyib.

Rejissor 2019-cu ildə Kann kinofestivalında iştirak edən qadın rejissorların iki zəif işini də qeyd edib və bunlara aşağıdakı fikirləri əlavə edib:

“Ancaq kor görə bilməz ki, dünyada kişi rejissorlar çoxdur. Eləcə də dirijorlar və trombonçalanlar kimi. Bu, fiziologiyanın işidir” – deyə Konçalovskiy izah edib.

Xatırladaq ki, bu ilki Kann festivalı rejissor Aqnes Vardanın xatirsəinə həsr olunmuşdu. Xanım rejissorun fotosu festivalın rəsmi posterində əks olunmuşdu. Bundan başqa festivalın Qran Pri mükafatı fransız rejissor Mati Diopa təqdim olunmaqla, daha üç qadın rejissor əsas müsabiqə proqramında mükafatlandırılıb.