news-inner
clock15:36 calendar-gray 29 May 2019 view-gray648 dəfə oxunub
view-gray648 dəfə oxunub

Söyüşləriniz dünyanın ən gözəl eskizləridir – Tənqidçinin qısa qeydləri

Kulis.az tənqidçi Mehman Qaraxanoğlunun “Allah bazar versin, qardaşlar” qeydlərini təqdim edir.

Ədəbi sezintilər

Qoy sizə bir vəsiyyət edim: Hərdənbir dünyanı söyün! Söyüşləriniz dünyanın ən gözəl eskizləridir...

***

Ədəbiyyata gəlməmişdən əvvəl düşün, çox düşün, ədəbiyyatı yox, özünü düşün! Sən dəmi Mövlud Mövlud kimi ən uca mərtəbəni hədəfləmisən?!

***

Sən hələ də düşünürsən ki, ədəbiyyat sənə nəsə verəcək? Sən də qoca yaşlarında deyəcəksən ki, mən bütün şüurlu (şüurlu ha!) həyatımı sözə həsr edib, ona xidmət eləmişəm? Payımı verin!!! Məgər söz sənə yalvarmışdı ki, mənə xidmət elə?! Ax, dimdiyindən ilişən “üzüyola”, çoxbilmiş qoca kölə!

***

Sən də kitablarını satmaq üçün “Elmlər Akademiyası”nı gözaltı eləmisən?!

***

Sənin xəbərin varmı ki, dünyanın riyakar, murdar, əclaf xəritəsinin rənglənməsində söz adamlarının misilsiz xidmətləri olmuşdur?! Çünki onlar sözdən nə desən yapırlar, sözün ağzını istənilən səmtə, zamana əyə bilirlər, (Məsələn, belə: Yazıçılarımız, Lenin, Stalin haqqında yazarkən belə Azərbaycanın gələcək müstəqillik yollarını mütəfəkkircəsinə arayırdılar!) qısası, sözlə məharətlə “işləməyi” bacarırlar! Və sənin sadəlövhcəsinə “ilahi” adlandırdığın sözlə onlar bazar açıblar. Səni də şirnikləndirmək üçün həmişə bir piştaxtanı boş saxlayırlar. Amanın günüdür, sən ora cumma!

Allah bazar versin, qardaşlar!

***

Sən hələ də şeirin daşını atmamısan?! Sən də “Şeir bülbülləri”ndən biri olmaq istəyirsən?! At o daşı, qoy o daş fələklər tərəfindən bərk-bərk vurulan Mirzə Səfər darvazasına dəysin!

***

Mən niyə yazdığımı bilmirəm...

***

Axı, mən sənə demişdim: Ədəbiyyat naminə heç nə etmə! Səni aldadıblar!

***

Nizami sözə nizam verəndən sonra onu ilk irihəcmli əsəri olan “Sirlər mənbəyi”ndə (“xəzinəsi”ndə yox!) ədəb-ərkanla dəfn etdi (“meyit” anlamında yox, xəzinəni – dəfinəni necə basdırırlar, o cür) və sözün qırxını da kübarcasına verdi: 20 məqalət və 20 hekayəti ilə!

***

- Haradan gəlirsən?

- Sözün dəfnindən.

- Deməli, Nizamidən sonra söz hələ də yaşayırmış...

***

Mübariz bəy (Mübariz Örən!) deyir ki, bizdə yağış yağır. Mən də yazdım ki, bizdə hava guruldayır! Dumduru ədəbi cameə tablosu... Və ya xırda zaman fərqləri ilə şərtiliklər üzərində dayanan ədəbi dostluqlar... Gurultu yağış gətirməyə bilər. Durub gözləyirəm. Onun da gözləntisi ayrıdır. Bəlkə gözləntilərin fərqliliyidir ədəbiyyat adamlarını bir-birinə tərəf çəkən?!

***

Gur yağış altında suyun dərinliklərinə heç baş vurmusunuzmu?! Sanki eyni zamanda minlərlə əl minlərlə qapını döyür. Hansını açasan, özün də bilmirsən. Sən bilməzliyin sərməstliyini yaşayırsan...

Aldanma, ədəbiyyat suları bambaşqadı; sən dərinliklərə getdikcə üstdən sənin qapılarını bağlayırlar... Mirzə Cəlilləri, Cavidləri xatırla...

***

Mən sənə heç bir zaman deməyəcəyəm ki, yaz! Həmişə deyəcəyəm: Oxu!

***

Sən hələ də dəhşətə gəlməmisən?!

Oxşar xəbərlər

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021