news-inner
clock14:02 calendar-gray 28 May 2019 view-gray702 dəfə oxunub
view-gray702 dəfə oxunub

Suların içində bir div gizlənib – Yeni Şeirlər

Kulis.az Hədiyyə Şəfaqətin yeni şeirlərini təqdim edir.

***

Xoşbəxtlik

Qum kimi süzülüb tökülür barmaqlarımızın arasından

Küləyə qarışır, suya qarışır

Quma qarışır

Ovcumuzda saxlaya bilmirik...

***

Sevginin

Əlləri bir çiynimizə toxunanda

Bir çiynimizdən kəpənəklər qanadlanıb

Uçub gedir

Baxırıq, gülə bilmirik

Baxırıq,

ağlaya bilmirik...

***

Dünyanın ən yaralı ağacları

Qurumaqda olan ağaclardır

Ən yaralı kişiləri tərk edilən

Ən yaralı qadınları isə,

yəqin,

Göz yaşlarını saxlaya bilməyən...

Qoy yaralı qadınlar

Quruyan ağacların dibində ağlasınlar...

Yaralı kişilər...

Yaralı kişiləri...

Yaralı kişilərdən...

Tanrı muğayat olsun...

və onlar

Quruyan ağacların yanında ayaq saxlasınlar...

***

Bir quş uçdu budağından

Ağacın gözləri yuvaya dikildi...

Axşam oldu, quş qayıtmadı

Səhər oldu, quş qayıtmadı

Qış gəldi, quş qayıtmadı

Yaz gəldi, quş qayıtmadı

Ağacın yuva olan tərəfi qurudu...

***

Yorğun qağayıdır sükutun dili

Enməyə suyu yox

Uçmağa göyü

Yol çəkib yoxluğun içindən əli

Sancılıb sahildə ağac göyərib

Göynəyi üstündə lal - düyün-düyün...

Suların içində çəkib geriyə

Dərin nəfəsini, bir div gizlənib

Qoyub ürəyini büllur şüşəyə

atıb,

Sinəsinin boşluq yerinə kimin canı düşsə

Can təmizlənir...

Getmisən,

Gəlmisən, pəcərəmizdə

Təzə çiçəklərə torpaq olmusan

Bax o küçədəki ağacımıza

Kök-köməc olmusan, yarpaq olmusan...

Sənə də bəs edir, mənə də bu ev

Divin sinəsinin boş yerindədi...

Sən də sev bu səhər,

Bu şəhəri sev

Canını axtarma

Canın məndədi...

***

Sükut sükut içində

Canımdan bir can qopub

Qopanda düşman qopub

Dönəndə aşiq dönüb...

Qarşımda yol görünüb - gözlərimi yummağa...

Tanrı...

Tanrı çırpınıb üstünü soyunmağa,

içindən mən çıxmışam...

Uçmuşam, dayanmışam

Uçmuşam, darıxmışam...

Çöllərin tozu qalib ayağımın ucunda

Son xəbəri gətirib baxıram qərib-qərib...

Deyib yuxularda səs

Deyib - bu yol, bu da sən

Enmə aşağı, enmə...

Sevinmə,

Heç sevinmə...

Səni bir qadın doğur aşağıda - dünyada

Səni bir kişi sevir...

Bax gör hələ nələr var...

Çağır,

Ey yerin-göyün sahibi, məni çağır ...

Bax gör, o qadın necə ağrıyır, - nə gəlirsən?

Gör o kişinin əli necə toxunur sənə,

Necə, nə ağır-ağır...

İndi

Sənin səbrinin sükutu nə soyuqdur...

...Ağ-ağ inciçiçəyi kimidir, başıaşağı

Arabir gülümsəyir gözlərimin işığı

Öldürür o qadını,

Unudur o kişini...

Pıçıldayır astaca:

- İlahi, yoxdur qara

İlahi,

qara

yoxdur...

***

Adam

Dənizə baxır

Baxır, ləpələnməyinə baxır

Baxır, dalğalanmağına baxır...

Qaranlıq gecədə baxır

İşıqlı gündüzdə baxır

Yağış yağanda baxır

Duman enəndə baxır

Baxır

Eləcə baxır

Baxır,

Yenə də baxır...

Arabir

Gözünü dənizdən ayırıb

Başını aşağı salır

Darıxır,

darıxır

darıxır...

Adam bu darıxmağın qabağında

Başını götürüb

Çıxıb-çıxıb getməyə yer axtarır...

Oxşar xəbərlər

Xəbər lenti

Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020
Dünyanın sonuncu tənha adamı - Kamal Abdullanın romanları haqda...
16:58 11 Avqust 2020
Nənəmin laylası öpür üzümdən – Şeirlər
15:44 11 Avqust 2020
Məşhur şairin məzarı tapıldı - Foto
14:52 11 Avqust 2020
İntihar edən məşhur aktyorun həyatı film olur
14:01 11 Avqust 2020
Sevdiyi kişidən məcbur ayırdılar, əri xalası qızıyla evləndi, gənc yaşında xiffətdən öldü – Faciələrə dözməyən “Nəsimi”nin Şəmsi
13:11 11 Avqust 2020
Uşaqlıqda hərbçi atamın, gənclikdə hərbçi sevgilimin yolunu gözləmiş adamam – Fəridə yazır...
12:06 11 Avqust 2020
"Azərbaycan Böyük Vətən müharibəsi illərində" kitabı nəşr olunub
11:27 11 Avqust 2020
Əri hamilə yoldaşını dənizdə niyə boğdu? - Günel Natiq yazır...
10:42 11 Avqust 2020
Sevda Ələkbərzadə yeni mahnısını təqdim etdi - Video
10:05 11 Avqust 2020
Atamın əlləri - Sərdar Aminin yeni hekayəsi
09:01 11 Avqust 2020
Özünü Ancelina Coliyə çevirən gənc oğlan - Fotolar
18:43 10 Avqust 2020
İlğım - Şəhla Nihanın yeni hekayəsi
17:59 10 Avqust 2020
Kinonun böhrana təsiri - Çarli Çaplin nə demək istəyirdi?
17:14 10 Avqust 2020
Mədəniyyət nazirinin müşaviri və şöbə müdirləri vəzifəsindən azad edildi
16:24 10 Avqust 2020
Rusların Yer planetində açdıqları "Cəhənnəm qapısı": Əlli ildir, bağlaya bilmirlər - Foto
16:02 10 Avqust 2020
Yazıçı Səfər Alışarlının yeni kitabı çap olundu
15:45 10 Avqust 2020