Azərbaycan Musiqi Mədəniyyəti Dövlət Muzeyində görkəmli Azərbaycan bəstəkarı, dirijor, pedaqoq, SSRİ Xalq artisti Soltan Hacıbəyovun anadan olmasının 100 illiyi münasibətilə tədbir keçirilib.
Kulis.az xəbər verir ki, muzeyin əməkdaşları bəstəkarın həyat və yaradıcılığından söz açıblar. Bildirilib ki, Soltan Hacıbəyov 1919-cu il mayın 8-də Şuşada anadan olub. 1930-cu ildə ikiillik ibtidai məktəbi bitirib, 1936-cı ildə Bakıya köçüb və əmisi Ü.Hacıbəylinin ailəsində yaşamağa başlayıb. Orta məktəbi bitirəndən sonra Bakı Musiqi Məktəbində A.Kolpinskinin truba sinfinə daxil olub. 1939-cu ildə məktəbi bitirən S.Hacıbəyov Azərbaycan Dövlət Konservatoriyasına, B.Zeydmanın sinfində bəstəkarlıq fakültəsinə daxil olub. 1946-cı ildə Konservatoriyanı bitirib.
Tədbirdə Musiqi Mədəniyyəti Muzeyinin arxiv materialları əsasında hazırlanmış videoçarx nümayiş etdirilib.
Sonra gənc musiqiçilərin Soltan Hacıbəyovun 100 illiyinə və İsmayıl Hacıbəyovun 70 illiyinə həsr olunmuş Respublika festivalının diplomantlarının konserti olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər