Son illər şair Ramiz Rövşənin üçüncü təbiridir ki, anşlaqla keçir.
İlk dəfə Bakı Kitab Sərgisi çərçivəsində “Nəfəs” kitabının imza günündə yüzlərlə adam gəlmiş, kitab imzalatmaq üçün saatlarla növbə yaranmışdı.
Ötən həftə Bakı Kitab Mərkəzində keçirilən görüşündə şair öz rekordunu təzələdi. Əsasən, gənclərin qatıldığı bu tədbir son dövrlərin ən yaddaqalan görüşlərindən oldu.
Dünən “LİBRAFF Park Akademiya” kitab mağazasında “Sevgi açarı”, “Gizlənmişəm, tap məni” və “Göyərçinim, gəl görüm” kitablarının təqdimatı və imza günü isə anşlaqla keçən tədbirlərin uğurlu yekunu oldu.
Müxtəlif yaş təbəqəsindən bu tədbirə yüzlərlə oxucu qatılmışdı. Bundan əlavə şairin görüşünə onun qələm dostları, tanınmış ziyalılar, media nümayəndələri gəlmişdi.
Hər üç tədbir “Azərbaycanda kitaba maraq yoxdur”, “Ən tanınmış imzaları da oxumurlar”, “Kitabın zamanı keçib” kimi zərərli stereotipləri dağıtdı.
Demək, oxucu da var, kitaba maraq da var.
Yetər ki, yaxşı yazan olsun və bir də yazılan kitabları oxucuya yüksək səviyyədə təqdim etməyi bacaran institutlar formalaşsın.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər