Notr-Damda bostan salmaq istəyirlər

Vincent Callebaut Architectures Fransa Memarlıq Bürosu Parisin Notr-Dam kilsəsinin restavrasiya layihəsini təqdim edib.

Kulis.az-ın rus mətbuatına istinadən verdiyi xəbərə görə, layihə “intibah” adlanır və müəlliflərin fikrincə bu layihədə Notr-Dam “istehlak etdiyindən artıq enerji istehsal edən müsbət enerjilibinaya” çevriləcək.

Müəlliflər kilsənin damını və qülləsini şüşədən, palıddan və kömürdən, azotdan ibarət orqanik bir materiallarla örtməyi təklif edir. Bununla kilsə günəşdən aldığı istilik və işığı kilsənin içini işıqlandırmaq və qızdırmaq üçün elektrik enerjisinə çevirəcək. Qüllədinin üstündə əvvəllər olduğu kimi xoruz fiquru saxlanılacaq.

Həmçinin restavratorlar damda bağ və bostan salmağı da təklif edirlər. Memarların fikrincə bu ərazidə ilə 21 tondan artıq meyvə və tərəvəz yetişdirmək olacaq. Müəlliflər bərpa olunmuş kilsənin 21-ci əsrin kilsəsinin siması olacağına ümid edirlər.

Xatırladaq ki, aprelin 15-də Parisin məşhur Notr-Dam kilsəsində yanğın baş verib. Yanğın nəticəsində kilsənin damı və qülləsi, saatlar məhv olub. Yanğını aprelin 16-ı səhər söndürmək mümkün olub. Bundan əvvəl Fransa Hökuməti kilsənin bərpası üçün beynəlxalq müsabiqə keçirəcəklərini bəyan etmişdi.