writer1

Ayxan Ayvaz

Məqalə sayı

443
clock11:19 calendar-gray 10 May 2019 view-gray1985 dəfə oxunub
view-gray1985 dəfə oxunub

Ramiz Rövşənlə Anar məni necə pərt elədi?

Ayxan Ayvaz

Pərt olmağı Allah heç kəsə göstərməsin. Ən zəhləm getdiyi hisdir bu. Və tez-tez pərt qaldığım anları xatırlayıram. Hərdən güldüyüm də olur. O qədər demokratik və rahat adamam ki (məni özümdən başqası tərif eləmir deyə bunu deməli oldum) pərt anlarımı götürüb yazdım və düşündüm: əslində oxucudan bunları gizlətmək yersizdir, çünki onun da başına bu cür hallar gələ bilər.

Beləliklə, kanalı dəyişməyin. Getdik...

***

Bir dəfə yazıçı Anara zəng etdim:

- Salam, Anar müəllim. – bildim ki, salamlaşmaq hissəsini tez-tələsik keçməliyəm – Umberto...

- Oğlum, gözlə bir...

- Yaxşı.. Umberto Eko vəfat edib. Bununla bağlı nə deyə bilərsiniz?

- Nə deyə bilərəm ki? Allah rəhmət eləsin!

- Umberto Ekoya? Yəni demək istəyirdim ki, onu sadə bir oxucuya necə təqdim edərdiniz...

- Eləyə bilmərəm...

- Niyə?

- Düttt...

***

Təqdimatların birində Vaqif Səmədoğluyla bir gözəl xanım ayaqüstü şirin-şirin söhbət edirdi. Vaqif müəllimi gördüyümə sevindim, yaxınlaşıb salamlaşdım. Təzəcə ağzımı açmışdım ki, şair sözümü yarıda kəsdi:

- Ayxan bala, ömrümə az qalıb. İcazə ver, son günlərimi gözəl xanımların əhatəsində keçirim.

***

Bir dəfə gənc yazar dostumuzun toyunda Vaqif Səmədoğluyla eyni masaya düşmüşdük. Qabaqcadan içmişdim, başım dumanlıydı. Əyri-üyrü yerişimlə Vaqif Səmədoğlunun hüzuruna çıxıb gülümsündüm. Və onun siqarına tərəf əyilib bir gilə götürmək istədim.


- Bunu çəkmək üçün nə yazmısan? – dedi və siqaretindən bir qullab vurdu.

***

Qızla şəhərdə gəzirdim. Qəfil üç-dörd oğlan qabağımızı kəsdi. Şeşələndim:

- Nədir? Nə istəyirsiniz?

Qardaşlardan biri fikrini konkret ifadə etdi:

- Qızı.

Heç bu qədər konkret cavab verən görməmişdim. Mən təpikləri yeyə-yeyə bu haqda xeyli düşünmüşdüm.

***

Təzə kitabım çıxmışdı. Kitab mağazalarına paylayırdım.

- Nədən yazmısan?

- I...

- Aydındı. Lazım deyil.

- Axı imkan vermə...

- Nə qışqırırsan, ə? Polis çağırım?

***

Mağazaya girmişdim. Yaman susamışdım. Qadın satıcı gülümsünürdü. Dedim, görən paltarımı tərsinə geyinməmişəm ki. Üstümə baxdım: yox, hər şey qaydasdındadır.

Bu yerdə qadının dili açıldı:

- Nəsə tanış gəlirsən.

Sevindim ki, yəqin yazılarımı oxuyub.

Qəfil soruşdu:

- Əhmədlidə qalırsan?

***

Hekayəmə görə yer tutmuşdum. Mükafatın diplomunu evə gətirəndə yolda sinif yoldaşımla qarşılaşdım. Hal-kefdən sonra soruşdu ki, əlindəki nədir. Diplomu ona uzatdım. "Filan hekayəsinə görə I yerə layiq..." sözlərini oxuyanda gülməyə başladı. Qaqqıltısı bitəndə ciddi-ciddi soruşdu: "Sən məktəbdə inşa yaza bilmirdin, necə oldu ki, yazıçı oldun?"

***

Ramiz Rövşənlə bir yerdə imza günüm idi. Hamı Ramiz müəllimlə görüşür, kitabını imzalatdırır, şəkil çəkdirirdi. Bir xanım o boyda tünlükdə mənə yaxınlaşanda elə sevindim ki... Bir addım da mən irəli getdim. Filmlərdə olur e? Qızla oğlan tam yaxınlaşan an nəsə baş verir axı. Qadın mənə yaxınlaşanda ərklə dedi:

- Saxla bu sumkanı, Ramiz müəllimlə şəkil çəkdirim.

***

Yazıçılarla oturmuşduq. Tanıdığınız məşhur yazıçılar deyirəm. Əkrəm Əylisliylə bir yerdə oturmuşdum. Ordan-burdan söhbət edirdik.

- Əkrəm müəllim, ədəbiyyat mənə görə...

Əkrəm kişi cibindən pul çıxardı:

- Al bunu, get bir siqaret al...

P.S. Ardı olmayacaq. Daha o anları xatırlamaq istəmirəm. Bu qədər bəsimizdi.

REKLAM

Yazarın digər yazıları

Xəbər lenti

Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020
Kinematoqrafiya şöbəsinə yeni müdir təyin olundu
13:53 12 Avqust 2020
Manaf Ağayevin döydüyü model sevgili – “Ay canı yanmış” rəzaləti
13:49 12 Avqust 2020
Nazir Afaq Bəşirqızının gəlininə vəzifə verdi
13:12 12 Avqust 2020
Özündən 45 yaş kiçik şagirdini hamilə qoyan müəllim
12:53 12 Avqust 2020
Azərbaycanlı yazarın kitabı Türkiyədə nəşr olundu
12:09 12 Avqust 2020
Mədəniyyət Nazirliyinin mətbuat katibi işindən ayrıldığını açıqladı
11:23 12 Avqust 2020
Əfsanəvi müğənninin gitarası rekord qiymətə satıldı
11:10 12 Avqust 2020
Namazı ana dilimizdə qılsaq, daha səmimi olarıq
10:31 12 Avqust 2020
Azərbaycan Kinematoqrafçılar İttifaqı ssenari müsabiqəsi elan edir
09:57 12 Avqust 2020
Yollar bağışlamır gecikənləri - Könül Arifin şeirləri
09:00 12 Avqust 2020
Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020