news-inner
clock13:18 calendar-gray 10 May 2019 view-gray1604 dəfə oxunub
view-gray1604 dəfə oxunub

Gizlincə yaşanan xoşbəxtlik – Qısa Hekayə

Ceyhun Zərbəliyev

Saat: 22:22

Mələklər heyrət edirdilər...

Uşaqlar qorxudan ağlayırdı...

Qonşular üzülməkdən yorulmaqda,

Tanrı hər zamankı kimi gülümsəməkdə idi.

* * *

Saat: 22:12

Kişi fərqinə vara bilmədiyi həqiqət - iç dünyasında özünü qiymətləndirə bildiyi qədər “zərgər dəqiqliyi ilə” vulqar ifadələr seçir, illər öncə “namusumsan” deyib alnından öpdüyü qadını aşağıladıqca aşağılayırdı...

Qadın illər öncə qəbullandığı roluna rəng qatdıqca qatır, bədbəxt görünməyə çalışır, bu görüntüdən zövq alır, ürəyi getmiş kimi olur, ayılır, gülür, ağlayır, Allahı söyür, aşağılanmaqdan özünün də tam olaraq anlamadığı şəkildə gizlin və qəribə həzz duyurdu...

Kişi özü üçün onu ayaqda tuta biləcək dəyər saxlamamışdı, anasının və qızlarının küçə söyüşlərini eşitməsi onu addımlarını düşündürə biləcək ən axırıncı hərəkət belə deyildi - beldən aşağı özündə üstünlük kimi gördüyünün samit səslərinə maksimum yüklənib, söyüşlərini qadının qurban rolunun içində onsuz da çoxdan itib-batmış dəyərlərinə yönəldirdi...

Qadın üçün bütün növ təhqirlər sevilə bilir duruma gəlmişdi, vəziyyəti dəyişmək üçün ona yaşamın sunduğu onlarla seçim arasından tülkü obrazına sarılaraq bu həyatı beləcə yaşamağı seçmişdi: dünyanın ən əxlaqsız ifadələrini özü üçün “ailəsini qorumaq” çətiri altında doğmalaşdırmağı bacarmışdı. Qonşuların və evdəkilərin ona ünvanlanan ədəbsiz ifadələri eşitməsi onu utandırmağı ona çoxdan unutdurmuşdu...

Zaman irəlilədikcə kişi uşaqlarının anasının dirilərilə “işini” bitirdi. Hər zamankı etdiyini edib, cinsiyyət orqanını dilində rəhbər tutaraq, yüksək səslə qadının qəbirdə yatanlarının ağzını, üzünü, kəlləsini “oxşamağa” başladı...

***

Saat 22:32

Qayınana sevinirdi...

Qayınata “ailənin işinə qarışmazlar” deyirdi...

Seçimlər yaşanılırdı...

Hamı öz işində,

yazıçı “Yalançı fədakarlıq” adlı romanını bitirməkdə,

gənc bəstəkar “Ölsək də, ayrılmarıq” şərqisini yazmaqda idi.

Günəş haralardasa uzaq bir yerdə yenicə doğurdu.

Ulduzlar səmada hər zamankından daha aydın parlayırdı.

Ay buludlarla gizlənqaç oynamaqdan yorulmuşdu.

Şəhər körpələrini yatırdıb, özü yatmağa hazırlaşan analar kimi səs-küydən sonrakı yuxusuna hazırlaşırdı.

* * *

Saat: 22:42

Səhnə tamamlanmışdı.

Bacılardan böyükləri yatmışdı.

Kiçik qız gözlərini yumub, qorxusunu unutmağa, bu günlük hər şeyin bitdiyinə özünü inandırmağa çalışaraq normalda çənəsinə qədər çatan yorğanın ucunu çeynəyə-çeynəyə hıçqırır, yataq otağından gələn bayaqkı kobud səslərə bənzəməyən, yavaşlamaqda və zərifləşməkdə olan səsləri anlamağa çalışırdı...

Yanaşı uzanmış ər-arvad: qadın ağlayır, kişi oxşayırdı. Dünyanın ən uyumlu cütlüyü olduğunu, bir-birilərini tamamladıqlarını sadəcə ikisi bilir, bundan gizli-gizli zövq alırdılar...

Sabahkı tənələrə, öyüd-nəsihətlərə cavablar əvvəlkilərin təkrarı olacaqdı: “Ailədə söz-söhbət olar. Kimin ailəsində olmur ki?!”

***

Saat: 23:42

Uşaq bir gün bu yaşananların təkrarlanmayacağına ümid etmək istədi...

Sonra qorxdu...

Qorxduğu zamanlarda etdiyini etdi, gözlərini yumdu...

Gəlinciyini qucağına, boğazına möhkəm-möhkəm sıxıb ataların olmadığı rəngli, ikinəfərlik bir ev xəyal etdi...

Tanrı hər zamankı kimi gülümsəməkdə idi...

news-inner-user

16085 məqalə

Oxşar xəbərlər

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020