news-inner
clock15:30 calendar-gray 12 May 2019 view-gray712 dəfə oxunub
view-gray712 dəfə oxunub

Bu ölkədə sərxoş sürücüləri çubuqla döyürlər

Bu ölkədə sərxoş sürücülər çubuqla döyülür, yerə zibil atanlar süpürgəçi işləməyə məcbur edilir, yaxud min dollar cərimə olunur. Tanış olun – bir-birindən maraqlı qadağaları ilə seçilən Sinqapur!

Məşhur “Singapore is a fine city” lozunqunun iki mənası var. Birincisi, “Sinqapur – gözəl şəhərdir”, ikincisi “Sinqapur – cərimələr şəhəridir”.

Sinqapur ötən əsrin 70-ci illərində küçələri zibillə dolu, yolları avtoqəzalardan bol, adi bir şəhər olub. Hökumət müxtəlif sosial çarxlar və elanlar yazmaqla insanları maarifləndirmək, mümkün qədər şəhərin təmizliyi, təhlükəsizliyinin qeydinə qalmaq istəyib. Ancaq irəliləyiş gözə dəyməyib. Və hökumət məcburən “əjdaha qanunları”nı işə salmalı olub. Demək olar ki, bütün küçələrdə videokameralar quraşdırılıb və qaydaları pozanların tez zamanda tapılması təmin olunur.

Image result for singapur insanı

Sinqapura səyahət edənləri ən çox təəccübləndirən şey onun həddən artıq təmiz olmasıdır. Burada küçədə siqaret çəkmək üçün xüsusi zibil qabları var. Siqaretin külünü asfalta tökəni 500 sinqapur dolları dəyərində cərimə gözləyir. Yanlış yerdə siqaret çəkməyin cəzası isə 1000 dollardır.

Metroda saqqız çeynəmək də qadağandır. Çünki sərnişinlər saqqızları əvvəllər metro qatarlarının qapılarına yapışdırır, bu da onların açılıb-bağlanmasına mane olurmuş. Metronun təmizliyi naminə içki içmək və nəsə yemək də qadağan olunub. Cəriməsi 700 dollardır.

Image result for singapur insanı

Təsəvvür edin, burada ev fikuslarını sulayan zaman qabda su saxlamağa görə cərimə tətbiq olunur! Özü də 1000 dollar dəyərində! Səbəb isə qabda qalan suyun evə ağcaqanad cəlb etməsidir. Adanın rütubətli iqlimində çoxalan ağcaqanadlar kütləvi xəstəliklər yayırmış. Hökumət ağcaqanadları məhv etdikdən sonra ölkədə malyariyanın səviyyəsi xeyli azalıb.

Küçə heyvanlarını, quşları yedirtmək, evdən fişəng atmaq, yolu düzgün yerdən keçməmək və yerə tüpürməyə görə 500-1000 dollar arası cərimə tələb olunur.

Çimərliklərin də təmizliyi olduqca yüksək səviyyədədir. Dənizə gəlib qaraldın, yedin-içdin və arxanca yığışdırmadınsa, 800 dollarından keçməlisən.

Image result for singapur insanı

Avtomobil sürərkən telefonla danışanlar əvvəlcə həbs olunur, sonra sürücülük vəsiqəsindən məhrum edilir. Sürəti cəmi 10 km/saat artıranlara 3 aylıq həbs düşür, sərxoş halda avtomobil sürəni isə çubuqla döyürlər. Çox vaxt arxalarından 6 dəfə vururlar. Sonra sərxoş sürücü 6 ayını həbsxana divarları arasında keçirir.

Yeniyetmələrə siqaret və içki satan mağazanın rəhbərini cərimələyib, bir illik həbsxanaya göndərirlər.

Tualetdən istifadə ilə də bağlı qadağalar var. Deyilənə görə, əvvəllər ictimai tualetlərə girən hər 4 nəfərdən 3-ü unitazın məlum düyməsini basmadan çıxırmış. Buna görə 600 dollar cərimə tətbiq olunandan sonra Sinqapurda tualetlər də küçələr kimi tər-təmiz olub.

news-inner-user

18016 məqalə

Oxşar xəbərlər

Xəbər lenti

Musiqili Teatr Xocalı haqqında film çəkdi - Video
18:56 24 Fevral 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
18:12 24 Fevral 2021
Yeni iddia: Kennedini Xruşşov öldürdüb
17:35 24 Fevral 2021
Qar yağanda ortaya çıxan 10 azərbaycanlı tipi
16:50 24 Fevral 2021
Azərbaycanda yeni teatr yaradıldı
16:02 24 Fevral 2021
Puşkin və 44 günlük Vətən müharibəsi – Cavid yazır...
15:13 24 Fevral 2021
Jerar Depardye təcavüzdə günahlandırıldı
14:22 24 Fevral 2021
101 yaşlı şair vəfat etdi
13:38 24 Fevral 2021
Sonuncu qar - Gənc şairin yeni şeiri
12:51 24 Fevral 2021
Ona Bakının Alen Delonu deyirdilər, son filmini çəkib Azərbaycandan getdi... - “Dədə-Qorqud”un Turalı necə Mark Jozef oldu?
12:10 24 Fevral 2021
Hamı bir-birini didməyə hazırdır - Sevda yazır...
11:30 24 Fevral 2021
Xalq artisti Nuranə Nurun sözlərinə mahnı oxuyub - Video
11:01 24 Fevral 2021
Əhmədiyyə Cəbrayılov haqqında sənədli film çəkilir
10:30 24 Fevral 2021
Öz ayaqlarına yıxılır adamlar – Aqşin Yeniseydən Günün şeiri
10:01 24 Fevral 2021
Gənc şair: “Davamlı olaraq qız aldadıram” – Müsahibə
09:02 24 Fevral 2021
Həsən Turabovun qızı: “Ona dedim, atamı sən öldürmüsən” – Müsahibə
21:00 23 Fevral 2021
"Yeni alınma sözlər lüğəti" nəşr olundu
19:35 23 Fevral 2021
"Tıq-tıq xanım" ingilis dilinə tərcümə edildi
18:42 23 Fevral 2021
"Çığırtı" əsərinin daha bir sirri açıldı
17:50 23 Fevral 2021
Xalq artisti Yalçın Rzazadə Lənkəranda dəfn edilib – FOTO
17:30 23 Fevral 2021