writer1

Ayxan Ayvaz

Məqalə sayı

439
clock10:53 calendar-gray 02 May 2019 view-gray1329 dəfə oxunub
view-gray1329 dəfə oxunub

Yazıçılar Birliyinin pul yumaq siyasəti

Ayxan Ayvaz

AYB yazıçıları mükafatlandırıb. İstər-istəməz bu cür hadisələrdə mütləq ki, obyektivliyin itməsi kimi hallar olacaq. Özü də sözügedən mükafatlandırma AYB-nin adı ilə bağlıdırsa, məsələ məlumdur: burda obyektivlik axtarmaq çöldə iynə tapmaq qədər çətindir.

Deməli, AYB-yə 800 min pul verildi, onlar da bu məbləği hara xərcləyəcəklərini bilmədilər, düşündülər, düşündülər və... nəhayət, dedilər ki, belə bir əlüstü mükafat təsis edək.

İmadəddin Nəsimi, Mirzə Cəlil, Cəfər Cabbarlı və İsmayıl Şıxlının adlarına mükafat verək – hərəsinə 2 min manat.

Xub! Çox gözəl. Nə deyirik? Düzü, o pulu daha gərəkli işlərə xərcləmək olardı. Kitabları xarici dillərə tərcümə etmək, gənc yazarları stimullaşdırmaq üçün onları başqa ölkələrdə təhsil almağa göndərmək, vacib birinin ev, yaxud sağlıq məsələsini həll etmək və s.

AYB yenə ən asana qaçır: dostların cibinə bir az pul basaq məsələ həll olunsun! Onsuz da bu qurumdan əlimizi üzmüşük, bu heç. Bir neçə gəncə mükafat verməklə də gözümüzə kül üfürüblər. Olsun.

Amma bu mükafatları hansı meyarlarla seçiblər? Hanı bu mükafatların əsasnaməsi, nizamnaməsi, münsifləri, əsərləri qiymətləndirmə meyarları? Axı bu vəsait dövlət tərəfindən ödənilir. AYB-nin hansısa gəlirindən verilmir. Çox şübhəsiz ki, metod belə olub: pul verilib, necə edək, iş görmədən özümüzü işləyən kimi göstərək!

Axı böyük ədiblərin adına mükafat təsis etmək maliyyə ilə yanaşı həm də qanuni baza, ən azı kargüzarlıq işi istəyir. Olmayan yerdən mətbuat üçün normal bir açıqlama yazmaq lazımdır.

Heç biri yoxdur!

Sadəcə qəfil Şaxta Baba kimi hədiyyələr paylanır və almayanlar narazılıq edir.

Mirzə Cəlil Məmmədquluzadə adına nəsr mükafatları ilə Xalq yazıçısı Elçin Əfəndiyev, akademik Kamal Abdulla və Xalq şairi Sabir Rüstəmxanlı təltif edilib.

Bəlkə Elçin müəllimin kitab çıxarmağa pulu yoxdur, biz bilmirik?

Eləcə də Kamal Abdullanın bu pula doğrudanmı ehtiyacı var?

Yaxud, Sabir Rüstəmxanlı?

Tamam,deyə bilərsiniz ki, onlar yaxşı yazıçılardır. Buna bir söz demirik. Amma və lakin burda meyarın yazıçılıq olduğu şübhə doğurmaya bilmir.

Olmazdımı ki, mükafat imkanı olmayan və həm də yaxşı yazan yazıçılara verilsin? Heç bu haqda düşünmüsünüzmü?

Musa Yaqubla Vaqif Bayatlını da Nəsimi mükafatına təqdim ediblər. Anar müəllim yaxşı tapıb: onların müalicə pulu da beləcə getdi! Kimsə soruşanda, qayıdıb deyəcək ki, bəs mən onlara Nəsimi mükafatını vermişəm, əl çəkin məndən. Yəni Əlinin papağını Vəlinin başına, Vəlinin papağını Əlinin başına. Çevir tatı, vur tatı. Köhnə hamam, köhnə tas.

Hələ Əjdər Ol, Nizaməddin Şəmsizadə, İntiqam Qasımzadəni demirəm. Onların da bu mükafatı almasının səbəbi gül kimi aydındır.

REKLAM

Yazarın digər yazıları

Xəbər lenti

Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020
Azərbaycanda pandemiyadan film çəkildi – Video
17:15 06 İyul 2020
Yaşından otuz il qoca görünən, qurultayda bircə səs qazanan, AYB-nin qarşısında dünyasını dəyişən məşhur şairimiz – Maraqlı faktlar
16:33 06 İyul 2020
Luvr muzeyi açıldı
15:49 06 İyul 2020
Hamilə qalmaq üçün daş oyuğuna salınan gəlin – Güneydən hekayə
15:11 06 İyul 2020
İlin ən yaxşı internet serialı - "Şəxsiyyət"
14:28 06 İyul 2020
İsa Məshinin lezbiyan obrazına dindarlardan etiraz
13:45 06 İyul 2020
Əlini iki dəfə tərpətdi... - Mahmudun dəfnindən gecikmiş reportaj
13:02 06 İyul 2020
Mirşahin Ağayev koronavirusa yoluxdu
12:33 06 İyul 2020
Azərbaycanın Prustu – Şərif Ağayar yazır...
12:01 06 İyul 2020
Bəhram Bağırzadədən xoş xəbər
11:56 06 İyul 2020
Villalara sığmayan karantin ərköyünləri
11:30 06 İyul 2020
Dünya şöhrətli bəstəkar vəfat etdi
11:07 06 İyul 2020
Karantin qaydalarını pozan azərbaycanlı aktrisa işdən çıxarıldı
10:58 06 İyul 2020