Yazar-jurnalist, ssenarist, Bakı Uşaq Teatrının ədəbi hissə müdiri Arzu Soltan “Arzuca” adlı yeni layihəyə start verib.
Kulis.azın verdiyi xəbər görə, Layihənin məqsədi bəşəri mövzularda olan ən müxtəlif poeziya nümunələri əsasında ədəbi-bədii kompozisiyalar, video-çarxlar hazırlayıb ictimaiyyətə təqdim etməkdir.
Bununla yanaşı, layihə gənc istedadları dəstəkləmək, onların öz yaradıcılıq imkanlarını təqdim etməsinə yardım etmək niyyəti güdür.
Layihəyə indiyə qədər gənc istedadlar Yusif Rüstəmov, Cəlal Baba, Ədalət Ağaverdizadə cəlb olunub. Bakı Uşaq Teatrının bazasında hazırlanan məhsulların ərsəyə gəlməsində teatrın əməkdaşları da yaxından iştirak edir. Teatrın aktyoru Rauf Hüseynli layihədə səs rejissoru kimi çıxış edir.
2019-cu ilin Azərbaycanda və bütün türk dünyasında İmadəddin Nəsimi ili kimi qeyd olunması münasibətilə layihə çərçivəsində ilk iş məhz böyük mütəfəkkirə həsr olunub. Belə ki, İmadəddin Nəsiminin “Arzular” rədifli iki qəzəli əsasında kompozisiya hazırlanaraq Arzu Soltan (Arzu Bəyim) və Cəlal Baba tərəfindən ifa olunub.
Kompozisiya həm də Bakı Uşaq Teatrının təşkil etdiyi “Nəsimi ili-Nəsimi dili” festivalında nümayiş olunub və Münsiflər Heyəti tərəfindən üçüncü yerə layiq görülüb.
Poeziya nümunələrini öz yozumunda təqdim edən “Arzuca” layihəsinin gənclərin ədəbiyyata, sənətə, şeirə, musiqiyə marağını artıracağına inanırıq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər