Marvel studiyasının istehsalı olan “Qisasçılar: final” filmi kassa gəlirlərinə görə dünya rekordu qırıb.
Kulis.az-ın rus mətbuatına istinadən verdiyi xəbərə görə, ilk günün prokatından film 156,7 milyon dollar toplayıb. Bununla o, ilk günün prokatından 119 milyon dollar toplamış “Ulduz müharibələri: Gücün oyanışı” filmini geridə qoyub.
“Qisasçılar: final” ilk həftə sonu kassadan dünya üzrə 1,2 milyard dollar toplayıb.
Filmin nümayişləri həm də müxtəlif hadisələrlə yadda qalıb. Belə ki, Honkkonqda filmin fanatları kinoteatrdan çıxan tamaşaçısını spoyler etdiyinə görə, əzişdiriblər. Kişi seansdan çıxıb filmin axırını danışanda, növbəti seansa bilet almaq üçün kassanın qarşısına tooplaşmış adamlar onu döyməyə başlayıb.
Digər bir hadisə isə Çində baş verib. 21 yaşlı tələbə qız “Qisasçılar: final” filminin nümayişində dayanmadan ağlayıb. Kinoteatrdan çıxanda sinə əzələlərində ağrı hiss edən qız huşunu itirib və təcili xəstəxanaya aparılıb. Tibbi yardımdan sonra tələbə yaxşılaşıb.
Qeyd edək ki, film paytaxtın kinoteatrlarında bu gündən nümayişə çıxarılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər