Kulis.az Ukraynanın prezidenti, aktyor, yumorist, ssenarist, rejissor Volodimir Zelenski haqda 15 maraqlı faktı təqdim edir.

- Gəncliyində ən çox sevdiyi şeylər pianino və gitarada ifa etmək olub.

- Eyni zamanda baletdə öz məharətini göstərib.

- Yunan-Roma güləşində sözünü deyib.

- Ağır atletikaya girişib, sonra düşünüb ki, boyu onsuz da balacadır, ağırlıq qaldırmağa görə daha da balacalaşa bilər, vaz keçib.

- Voleybol və basketbolla da məşğul olub.

- Markalardan kolleksiya yığırmış.

- Məktəbin “KVN” qrupunda olub və ən maraqlı səhnəciklərdə yer alıb.

- 1997-ci ildə “KVN”-nin əsas liqasında çempion olub. Daha sonra özü “95 kvartal” adlı komanda yaradıb. Komandanın rəhbəri kimi çıxış edib. Bu komandada iki dəfə qalib olan Zelenski konfliktlərə görə “KVN” komandasından ayrılıb.

- Gimnaziyada teatr tamaşalarında oynayıb. Xüsusən, Çexovun, Dostoyevskinin əsərləri əsasında hazırlanmış tamaşalarda. Eyni zamanda məktəbin gitaristi hesab olunurmuş. Necə deyərlər, gənc xanımların sevimlisi...

- Hüquqşünas ixtisasında oxuyub, ancaq heç vaxt öz ixtisası üzrə işləməyib.

- Filip Kirkorovla “Factor A”, “X Factor” şoularının həmtəsisçisi olub. “Хочу V ВИА Гру” musiqili şousuna başçılıq edib.

- Onu aktyor kimi “Böyük şəhərdə sevgi” və “İşdə məhəbbət macərası. Bizim zaman” romantik komediyalarına görə tanıyırlar. Ancaq Zelenski 10-dan çox filmdə rol alıb.

- Xanımı Yelena ilə küçədə rastlaşıb. Yelena “Əsas instinkt” filminə baxmağa gedirmiş. Bu zaman Zelenski xanımla necə tanış olmağın yollarını düşünmüş və qərara almışdı ki, ən yaxşısı o filmə baxmaqdır. Və 2003-cü ildə onlar evlənmişdi.

- Ər-arvad bərabər işləyirlər. Zelenski “Kvartal-95” studiyasında çalışırdı. Bu tək yumoristik şou deyildi, eyni zamanda film və seriallar istehsal edirdi. Məsələn, Zelenskinin ssenarisində “İşdə məhəbbət macərası” yenidən işlənmişdi.

- “Ulduzlarla rəqs” teleşousunda yumorist Zelenski rəqsinə görə birincilik qazandı.

• Flora Kərimovanın son vəziyyəti
• Tayra Benks "Netflix"i məhkəməyə verdi
• Unudulmuş Nobel mükafatçısı - O, reenkarnasiya haqqında hansı şah əsəri yazıb?