Kulis.az Səhər Əhmədin yeni şeirlərini təqdim edir.
Tıxacdayam, gəlirəm
Pəncərəmin önündə
Ağaclar çiçəkləyib.
Yaz gəlib, bilirsənmi,
Adamlar ürəklənib.
Sevənlər tabsızlaşıb,
Ölümlər dadsızlaşıb,
Yaz gəlib, bilirsənmi,
Tənhalar yalqızlaşıb.
Budaqlar naxışlanıb,
Torpaqlar yağışlanıb,
Yaz gəlib, bilirsənmi,
Günahlar bağışlanıb.
***
Əzrayıl, nə var, nə yox,
Can ala bilirsənmi?
Alverin nə təhərdi,
Dolana bilirsənmi?
Necəsən, ay xatakar,
Ömrün necə ötüşür,
Könlündən kimlər keçir,
Toruna kimlər düşür?
Mən də sənə borcluyam,
Öləsiyəm, bilirəm.
Sən allah, üzrlü bil,
Tıxacdayam, gəlirəm.
Cəbrayıl işdən çıxıb,
Adam çox, sən yazıq tək.
Bilirəm, gileylisən,
Bir vaxt elə, görüşək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər