news-inner
clock17:40 calendar-gray 17 Aprel 2019 view-gray570 dəfə oxunub
view-gray570 dəfə oxunub

Bu səhər göylər ağ çiçək – Yeni Şeirlər

Kulis.az Ələddin Əzimlinin yeni şeirlərini təqdim edir.

“Ünvanlı şeirlər”

Təkliyə

Təkliyim
bilinməyən bir ağrıdır,
gecə-gündüz çəkdiyim.
Elə bil
sönüb içimdə işıqlar.
Bilinməyir
günün hansı vaxtıdır.
Nə Günəş var,
nə Ay,
nə də ulduzlar.
Görəsən belə olur
dünyanın hər yerində
tənhalar və yalqızlar?..

Ağ bayrağa

Ayım bəlli,
ilim bəlli,
ömrün çoxu
aldadıcı bir təsəlli.
Gün var həyatımdan uzun -
nə sonu var, nə əvvəli.
Hələ ötüb keçən
yuxuları ərşə çəkən
gecələri demirəm.
Soluxmuş yarpaqların
budaqdan qopan çağıdır.
Bax o külək,
bax o ağac,
bax o qadın
göz yaşıdır, ağıdır.
Bir də o əlçim bulud
ruhumun işarəsi -
ağappaq bayrağıdır...

Dincliyə

Sözlə şəkil çəkirəm
hər hərfi,
hər rəngi öz yerində.
Birində sən varsan,
mənsə o birində.
Dağ, şəlalə,
çəmən, lalə,
yamyaşıl ağac çəkirəm -
qəlblərə dinclik gətirən,
ömrün ötən günlərindən
xoş xəbər, gənclik gətirən.
Gözləmə, sən də çək,
gələcəyə rahat yol sal.
Mən gedirəm,
sağlıqla qal!..

Mavi donlu qadına

Mavi donlu qadın,
göydənmi endin,
mənimmi
yanıma gəldin?
Gecikmisən deyəsən?
Artıq mən
yolumu dəyişmişəm,
xəbərin varmı bundan,
səbəbini bilirsən?
Nə isə,
gəl söhbəti dəyişək...
...Qar yağmadı bu qış,
amma vaxt var.
Axı həsrət içindədir,
yol gözləyir adamlar -
elə mən də.
Nə olardı ki
qəlbimi ovutmaqçün
bir az qar gətirəydin
yerə enəndə...

Nazim Hikmətə

Sən
Gülhanədəki parkda,
ondan da çox-çox uzaqda
bir yox, min-min
qocaman ceviz ağacı -
göylərin tacı.
Sən
sərhədsiz,
hüdudsuz dəniz.
Baş qoymuşuq sözünə,
ruhuna, Ustad,
səndən xəbərsiz...

Sənin gəlişinə

De niyə
gəldin xəbərsiz,
oğrun yuxu kimi
səssiz-səmirsiz?
Yalnız
ürəyim çırpınanda,
bildim ki, burdasan,
bir addımlığımdasan.
Madam ki gəlmisən,
unut olub-keçəni -
ağrı, qüssə gətirən
o dolanbac gecəni...

Yorğun yolçudan

Yorğun yolçuyam -
didərgin adam.
Dünya mənə yaddır,
mən ona yadam.
Gedirəm bu yolu,
səmtini bilmirəm ancaq.
Külək də, yağış da
məni bezdirib.
Hərdən ilğım kimi
xəyallar məni azdırır.
Bəzən düşünürəm,
bax indi - elə bu anda
səmadan
dinclik enəcək,
yollar bitəcək...

Gözlədiyim qadına

Heç kimi
oxşaya bilmədim
səni oxşadığım tək.
Heç kimi
bağışlaya bilmədim
səni bağışladığım tək.
Amma sən
getdin və qayıtmadın.
Utandırdın məni,
yanında
doğmanın, yadın.
Ey, qəlbimdə
yurd salan,
əbədi və əzəli Qadın !..

Susqunluq

Sahildə ev tikdim,
küləklər apardı.
Yol çəkdim,
dalğalara pay oldu.
İndi qürub çağıdır:
bu mən,
bu qumluq,
bu dəniz.
Hər üçümüz susqun-
səssiz-səmirsiz...

Kövrək uşaqlara

Bu yoldan
keçən keçdi,
səs-sorağı gəlmədi.
Köçən köçdü,
bir də geri dönmədi.
Onlar üçün darıxdı
uca-uca ağaclar,
ağaclardakı quşlar,
kövrək,
dəcəl uşaqlar...

Anamın xatirəsinə

Bu otağın
gecə-gündüz
nuru artar, əskilməz.
Bu ocağın
közü sönməz,
hənirtisi kəsilməz.
Bu otağın,
bu ocağın sahibi
özü gələr yuxuma,
sığal çəkər saçıma.
Sonra isə çevrilib
gedər,
gedər uzağa.
Arxasınca boylanıb
qalaram baxa-baxa...

Bu səhərə

Bu səhər
göylər ağ çiçək,
ətri təptəzə
süd qoxusu tək.
Ümidim, istəyim
körpə yuxusu tək.
Vaxt gələr
solar çiçəklər -
çəkilər süd qoxusu.
Qar kimi əriyər
göylərin bəmbəyaz yuxusu...

Əllərini ver mənə

Əllərini ver mənə,
səni
yıxılmaqdan qoruyum.
Dağa-daşa
çırpılmaqdan qoruyum.
Əllərini ver mənə,
səni
seldən, burulğandan qoruyum.
Yad gözlərdə
əriməkdən, boğulmaqdan qoruyum...

Image result for Ələddin Əzimli

news-inner-user

16035 məqalə

Oxşar xəbərlər

Xəbər lenti

Ataqamdan yeni hekayə: Dişlək alma
09:00 04 Avqust 2020
Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020