news-inner
clock17:58 calendar-gray 02 Aprel 2019 view-gray257 dəfə oxunub
view-gray257 dəfə oxunub

Bakıda Puşkinin 220 illiyi ilə bağlı tədbir keçirilib

Aprelin 2-də Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində Rusiyanın ölkəmizdəki səfirliyi, Bakıda Rusiya İnformasiya və Mədəniyyət Mərkəzinin və Azərbaycanda Rus İcmasının birgə təşkilatçılığı ilə Aleksandr Puşkinin 220 illiyinə həsr olunmuş konsert və müsabiqənin növbəti mərhələsi keçirilib.

Bakıda Rusiya İnformasiya və Mədəniyyət Mərkəzinin əməkdaşı, Azərbaycanda Rus Dilli Təhsil Müəssisələri Assosiasiyasının sədri Lyubov Yakunina, Azərbaycan Musiqi Mədəniyyəti Dövlət Muzeyinin şöbə müdiri Xanım Abdinova çıxış edərək tədbirin əhəmiyyətini vurğulayıblar.

Bakı Dövlət Universitetinin tələbələrinin, Bakı Slavyan Universitetinin “Sfera” teatrının üzvlərinin və Bakı məktəblilərinin ifalarında Puşkin poeziyasından rəngarəng nümunələr və musiqi proqramı təqdim olunub.

Müsabiqə iştirakçılarının ifaları Azərbaycan Yaradıcılıq Fondunun sədr müavini, Əməkdar mədəniyyət işçisi Rafiq Kaşanlı, “Rus dünyası” Fondunun Bakı Dövlət Universiteti nəzdində Rus Mərkəzinin rəhbəri Arzu Məmmədova, “Günay” Uşaq Teatrının rəhbəri Larisa Tarusovadan ibarət münsiflər heyəti tərəfindən qiymətləndirilib./azertag.az/

news-inner-user

12904 məqalə

Paylaş

Oxşar xəbərlər