Yeni ədəbiyyat saytı fəaliyyətə başlayır

Aprelin 1-də yeni ədəbiyyat və sənət portalı (Kibrit.info) fəaliyyətə başlayacaq.

Bu barədə Kulis.az a saytın redaktoru şair, publisist Hikmət Nazim məlumat verib: "Bir neçə ay bundan qabaq elan etdiyim ədəbiyyat və sənət portalı nəhayət hazırdır: Kibrit.info. Son tamamlama işləri gedir. Aprel ayının 1-dən fəaliyyətə başlayırıq".

"Kibrit.info biznes layihəsi deyil, yəni öz hesabıma saxlayacam. Dəstək olmaq istəyənlərin isə əlindən vurmayacam" - deyə o, əlavə edib.

Saytda "xəbər-ətər", "söz oyunu", "art haus", "motiv", "kürsü", "həyat" ana bölmələrinin daxilində poeziya, proza, esse, kino, teatr, musiqi, rəsm, foto kimi bölmələrlə yanaşı, araşdırma, müsahibə, tənqid, vəsfi-hal və reportaj, elm və texnologiya, tarix, media bölmələri də var ki, müxtəlif sənət sahələrinə aid tənqidi, araşdırma və publisistik yazıları əhatə edəcək.