news-inner
clock17:37 calendar-gray 13 Mart 2019 view-gray1099 dəfə oxunub
view-gray1099 dəfə oxunub

Kim qoynuna alacaq / O bakirə gecəni... – Yeni Şeirlər

Kulis.az Şərahil Laçınlının şeirlərini tədim edir.

Bilməcəni

Bu olmuşlar olacaq

Tökülənlər dolacaq

Kim qoynuna alacaq,

O bakirə gecəni...

Dünya ballı, pətəkli,

Əl verməyən ətəkli.

Görəmməz cənnət əhli,

Ürəyimdən keçəni.

Duyan könlüm haraylar,

Yağı aylar, yar aylar.

Saxladımı saraylar,

Gorgahlara köçəni

Yaşıd yoxdur ərz ilə,

Nər üzülüb nazilər.

Biçə bilməz dərzilər,

Fələk bezdən biçəni

Şəkk elədik gah Ona,

Gah fələkdir, gah ana

Gələrmiydik cahana,

Bilsək bu bilməcəni?!

Sarı

Bu var dünya, bu yox dünya,

Bu az dünya, bu çox dünya

Əzəldən gözü tox dünya,

Baxar əli boşa sarı

Yaşsız gözlər - qoşa çuxur,

Yalan ağla, yaş ha çıxır

Dərd bozarır başa çıxır,

Başın qarı qaşa sarı

Toyda yasa tutsa lağın,

Qandıracaq solun, sağın.

Kəsməz insan basalağın,

Məzarlığın daş hasarı.

Tapar məhrəm il, üzünü,

Yaşmasan da gül üzünü.

Haqladınsa otuzunu,

Yolun üzü qışa sarı.

Yaranmışın yarı dünya,

Bir yarını qoru, dünya.

Sevişərdik, qarı dünya,

Aramızda yaş hasarı...

Çəkirəm

Düz dolanmaz əyri mehvər

Bu əyri çağı çəkirəm

Arı kimi gülündən bal,

Şahmar tək ağı çəkirəm

Baxtım qəmnən ələlədi

Başımnan hey kül ələdi

Dərd üstümnən yol elədi

Körpüyəm, tağı çəkirəm

Qovğayla, qeylü qal ilə

Yarıladım xəyal ilə

Ömürdü, bu minval ilə

Dərdi fərağı çəkirəm

Nə şeyx qaldı, nə müridi

Susdu vicdanlar, kiridi

Gedən qalannan diridi

Ölünü, sağı çəkirəm

Lütfün nə Tanrım,əfv nədir

Bunca əzabi səf nədir

Şamı ümüdü dəfn edir,

Sübhündə ağı çəkirəm

Gəlməz mizana, çəkiyə

Nə azalar, nə səngiyər

Mən fələyin Fələkiyə*

Çəkdiyi dağı çəkirəm

*Fələki Şirvani

Üstünə

Tanrı, mənnən davan nədir,

Dərd verirsən dərd üstünə

Olum ölümlə zər atır,

Qoyulmuşam nərd üstünə.

Min ahım sözə gəlmədi,

Heç sevinç bizə gəlmədi

Azar da təzə "gəlmə”di

Həsrət düşən yurd üstünə

Çox da bu meydanda təksən

Nolar yaxamdan əl çəksən

Namərddən namərd fələksən

Hey cumursan mərd üstünə

Elə gözəl

Bircə yol görməsəm açılmaz eynim

Düşməz nə çiçəyə,nə gülə meylim

Baxıb cəmalına ölməyim, neynim,

Dodaq elə gözəl,göz elə gözəl

Nazını çəkdiyim nazını gizlər

Yağdırar qarını, yazını gizlər

Təbiblər dərmanın əsirgəməzlər

Gözün xəstəsinə göz elə, gözəl

Bahar səfasıdı qarın da mənə

Məlhəmdi “can”ın da “çor”un da mənə

Yer, yataq salmısan qorunda mənə

Yandırır bağrımı köz, elə gözəl

Dönər baxışların qurşun yerinə

Gözlərim nur istər yaşın yerinə

Şərahil Yaradan daşın yerinə,

Kaş ürək verəydi gözələ - gözəl

news-inner-user

19996 məqalə

Oxşar xəbərlər

Xəbər lenti

Bu millətə zaval yoxdur – Zamin Hacı yazır...
09:01 23 Sentyabr 2021
"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021
Fırlanmalısan - Hekayə-esse
17:22 22 Sentyabr 2021
İlk dərs günü məktəbdə necə biabır oldum?
16:36 22 Sentyabr 2021
Kiçik mətnə "böyük hesabla" uduzmaq - Kəramətin yeni romanını tənqid etdilər
16:01 22 Sentyabr 2021
Seymur Baycandan zəif olan gürcü yazarın dünya şöhrəti
15:10 22 Sentyabr 2021
Yeni poeziya almanaxı çap ediləcək - Əsər qəbulu başladı
14:25 22 Sentyabr 2021
Anamı ağlatdığım gün – Sərdar Amin yazır...
13:30 22 Sentyabr 2021
Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021