Moskvada Tarkovski muzeyi açılacaq

Moskvada Tarkovskinin muzeyi açılacaq.

Kulis.azın rus mətbuatına istinadən verdiyi xəbərə görə, Rusiya Mədəniyyət Nazirliyi yanında İctimai Şuranın iclasında Andrey Tarkovskinin 90 illiyinin qeyd olunduğu 2022-ci ildə rejissorun muzeyinin açılması məsələsi müzakirə olunub.

“Rus mədəniyyətinin dahisinin Moskvada muzeyini yaratmaq bizim borcumuzdur” – deyə şuranın sədri Nikolay Burlyayev izah edib.

Qeyd edək ki, Rusiyada artıq Tarkovskinin muzeyi var. 1996-cı ildə İvanov vilayətinin Yuryavets şəhərində rejissorun muzeyi, 2017-ci ildə isə Suzdalda heykəli açılıb.

Andrey Tarkovski 1932-ci ilin aprelində İvanovsk vilayətində doğulub. Onun “Solyaris”, “Ayna”, “Stalker” kimi kult filmləri dünya kinosunun qızıl fonduna daxil edilmişdir.