Hollivud rejissoru Stiven Spilberq Alfonso Kuarronun “Roma” filminin “Oskar”a təqdim olunması və mükafatlandırılmasına etirazını bildirib.

Kulis.az-ın rus mətbuatına istinadən verdiyi xəbərə görə, Stiven Spilberq Netflix şirkətinin istehsal etdiyi filmlərin Oskar-da iştirakını yolverilməz hesab edir.

Belə ki, Netflix striminq (ödəniş əsasında onlayn nümayiş kanalı) şirkətidir və belə əsaslarla işləyən şirkətin filmi Amerika kinoakademiyasının kino yarışında iştirak edə bilməz.

“Mən ümid edirəm ki, kino yaradıcıları kimi bizim ən böyük töhfəmiz tamaşaçının kinoteatrda filmə baxmaq təcrübəsidir” – deyə Spilberq məsələyə şərh verib.

“Spilberq kinoteatr və striminq arasındakı fərqi vurğulayır və başqalarını də bu məsələyə diqqət etməyə çağırır” – deyə Spilberqin əsasını qoyduğu Amblin Entertainment şirkətinn nümayəndəsi söyləyib.

Amerika Kino Akademiyası Netflixin Oskar uğrunda mübarizədən kənarlaşdırılması məsələsinin apreldə baş tutacaq görüş çərçivəsində müzakirə olunub həll olunacağını bildirib.

Mətbuatın yazdığına görə, Amerika kinosənayesinin narahat edən həm də, “Roma” filminin təşviqatına 25 milyondan 50-milyona kimi vəsait xərclənməsidir. Halbuki, “Yaşıl kitab” filminin təşviqinə 5 milyon dollar xərclənib.

Xatırladaq ki, Meksikanı təmsil edən “Roma” filmi (rej Alfonso Kuarron) “Xarici dildə ən yaxşı film”, “Ən yaxşı rejissor”, “Ən yaxşı operator” olmaqla üç nominasiyada Oskar mükafatının bu ilki qalibi olub.

• American Horror Story"nin 13-cü mövsümünün yayım tarixi açıqlandı
• Tarixi kəşf: Vikinqlər haqqında bildiyimiz hər şey yanlış imiş
• "Öldükdən sonra səni daha çox sevəcəyəm..." - İngilis şairdən sonet