news-inner
clock17:35 calendar-gray 25 Aprel 2019 view-gray1087 dəfə oxunub
view-gray1087 dəfə oxunub

Doldur qəlbimdəki boş yuvanı… - Modern Polyak şeiri

Kulis.az Firudin Həmidlinin tərcüməsində polyak şairəsi Halina Posvyatovskanın şeirlərini təqdim edir.

Ey yarpaq,

Bürü məni yaşılınla!

Payızın çılpaq bir ağacıyam mən

Titrəyirəm soyuqdan.

Ey su,

Ax bütün varlığıma!...

Səhrada bir qum zərrəsiyəm,

Külək sovurur məni...

İsit məni,

Sən, ey günəş,

Bax, qarşında dayanmışam

Sözlərimdə gizlənərək -

Ağacların arasında

Qaynayan bir bulaq kimi...

***

Axtarıram səni

Pişiklərin yumşaq xəzində,

Yağış damlalarında

Və çəpərlərin ətrafında.

Söykəyənərək çəpərin dirəyinə,

Gizlənərək günəşdən -

Hörümçək torunda qalmış bir milçək kimi -

Gözləyirəm...

***

Tanrım, mərhəmət et!

Niyə yaratdın məni

Sərt daşların ziddiyəti içində?...

Sirlərinlə doluyam, bax:

Suyu çevirirəm həsrət şərabına

Və atəşə dönür şərab qanımda.

Ey iztirabımın tanrısı!

Doldur atlas nəfəsinlə

Qəlbimdəki boş yuvanı...

Xəfifcə,

Qırmadan qanadlarını

Bir quşun ruhunu üfür canıma

Sevginin gümüşü sədası ilə...

***

Veritas

Əllərimi uzatsam

Və toxunmağa çalışsam,

Elektrik tellərinə çarpacağam -

Və bir kül yağışı kimi

Yağacağam torpağa...

Fizika həqiqətdir,

İncil həqiqətdir,

Eşq həqiqətdir -

Həqiqət acıdır.

Feil təsrifi

Gedəcəyəm,

Gedəcəksən,

O gedəcək,

Gedəcəyik -

Qoy, gedək...

Yudu yağış

Çay kənarındakı

Qızılağacın yarpaqlarını.

Qızılağac donur indi...

Gedirəm,

Gedirsən,

O gedir -

Hər zaman təkbaşına...

Getdin,

Getdim -

Biz getdik.

Yuxarıdakı o pıçıltısı isə

Küləkdir.

O daima əsəcək belə

Üzərimizdə,

Suyun üzərində,

Torpağın üzərində...

***

Qəlbimin quşu,

Qəmli olma bu qədər.

Bəsləyəcəm səni sevinc dəniylə,

Parlayacaqsan birdən-birə.

Qəlbimin quşu,

Ağlama daha.

Bəsləyəcəm səni nəvaziş dəniylə,

Uçacaqsan göylərə.

Qəlbimin quşu,

Ey qırıq qanadlım,

Çırpınma belə...

Bəsləyəcəm səni ölüm dəniylə,

Gedəcəksən yuxuya...

* * *

Növbəti xatirə

İndicə bir söz yazdım -

Yaşlandım bir söz qədər...

İki söz qədər,

Üç söz qədər,

Bir şeir qədər...

"Yaşlanmaq" -

Nə deməkdir?

"Tarix adlı mücərrədlik içində

Darısqal bir köşədədir yerim -

Haradan-haraya...

Böyüyürəm...

İqtisadiyyat adlı mücərrədlik içində

Məhkum edilmişdim yaşamağa.

İndi sürüklənirəm başıboşca

Zaman adlı mücərrədlik içində..."

(Metropoliten muzeyinin

Misir şöbəsində

Bir daş gülümsəyir

Qadın dodaqlarıyla...)

* * *

Gözəl barmaqlarının arasında

Sadəcə bir titrəməyəm.

Toxunursan isti dodaqlarınla,

Xışıldayıram yarpaq kimi...

Qoxun məni dəli edir - deyir ki, varsan,

Qoxun məni dəli edir - qarşıda uzun bir gecə...

Gözəl barmaqlarının arasında

İşığam mən sadəcə...

Ölü və qaranlıq bir günün ardınca

Yaşıl bir ay kimi parıldayıram...

Birdən görürsən ki, qıpqırmızıdır dodaqlarım -

Duzlu dadı ilə qanı axır bayaqdan...

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021