Tanınmış şair İlham Qəhrəmanın “Ağlama, qələm eşidir” adlı yeni şeirlər kitabı çapdan çıxıb.
Kulis.azın verdiyi xəbərə görə, “Qanun” nəşriyyatında işıq üzü görən kitab tənqidçi Nərgiz Cabbarlının “Xalq ruhunu özündə qoruyan şeirlər...” adlı ön sözüylə açılır.
Yüzdən çox şeirin yer aldığı kitab beş bölmədən ibarətdir: “Elə yer olsun ki, alma bitməsin”, “Dəryada yanan gəmiyəm”, “İstanbul heyrət görküdür”, “Bizə salam düşmür”, “Cincilimim, quşəppəyim”.
Şairin sayca 7-ci olan bu kitabının bir özəlliyi də odur ki, oxucuları Xalq şairi Zəlimxan Yaqubun, jurnalist Məmməd Nazimoğlunun, rəssam Yusif Mirzənin, tənqidçi Əsəd Cahangirin, şair Murad Köhnəqalanın, filoloqlar Həcər Paşayevanın, Fərhad Qasımovun və Müslüm Mahir Hikmətin onun yaradıcılığı haqqında dedikləri fikirlərlə də tanış olacaqlar.
“Ağlama, qələm eşidir” kitabında müəllifin son dörd ildə yazdığı şeirlər toplanıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər