news-inner
clock13:41 calendar-gray 21 İyul 2018 view-gray171 dəfə oxunub
view-gray171 dəfə oxunub

Sevinc, Aysel, Nərgiz... – Gənc şairin qız adlarına yazdığı şeirlər

Kulis.az gənc şair Rəşad Nağı Mustafanın yeni şeirlərini təqdim edir.

Sevinc

Hava hazırlıq görər, qaralar ay gəlincə

Ay da yığar başına ulduz xatirələrin

Bir evdə, bir otaqda işıq yanar qəfildən

Məktublarda axtarar bir qız xatirələrin.

Köhnə, həsrət qoxulu məktubların içindən

O qızın əllərinə bir ulduz axar… axar

Sığınmağa yer olmaz, tez qaçar pəncərəyə

Allaha əl uzadar göylərə baxar… baxar.

Göydən bir mələk enər o qızın əllərinə

Axtarar ən saf təmiz duaların, axtarar

Bu gecə uzun çəkər Günəşin hazırlığı

Gedər dağın dalında şüaların axtarar.

Günəş yır-yığış edib gələnəcən gec olar

Çiyinlərindən qızın nə qədər yük atılar

Qəfil yağış damcısı döyüncə pəncərəni

Qızın ovuclarından dualar dik atılar.

Sevda

Məndən olsa,

hər fəsildən bir ay götürüb,

səni yeni fəsildə sevərəm.

Məndən olsa,

səni ölənəcən,

öləndən sonra bir 15 il də sevərəm.

Məndən olsa,

qoymaram İyunun istisi yağışın sözünü kəssin.

Məndən olsa,

küləyə də təpinərəm,

buludlardan bir az o yanda əssin…

Məndən olsa,

qoymaram kimsə kimisə getməklə qorxutsun.

Məndən olsa

hamının gözünə kirpik ataram,

ataram ki, hamı arzu tutsun.

Məndən olsa,

könlüm Allahı zikr edər, dilim səni

Məndən olsa,

bir də heç vaxt Allahsız sevmərəm sevgilim səni.

Məndən olsa

20 il əvvələ qayıdaram 20 il sonra.

Qayıdaram dostluğumuzun

duz-çörək vaxtına,

qayıdaram sevgimizin mübarək vaxtına,

qayıdaram sevdamızın gücünə,

qayıdaram bu günə.

Məndən olsa qayıdaram,

qorxuram ki sənnən olmaz.

Fatimə

Dualar bəlanı pozursa,

poza bilirsə,

Küləklər fəslini azırsa,

aza bilirsə,

İnsanlar qədərin yazırsa,

yaza bilirsə,

Mən möcüzələrə inanıram.

Çox çəkməz gəlməyin,

çox çəkməz.

Yarpaqlar rəngini dəyişirsə,

dəyişə bilirsə,

Adamlar ölümü əndişə bilirsə,

əndişə bilirsə,

Aşiqlər Allahla görüşürsə,

görüşə bilirsə,

Mən möczülərə inanıram.

Çox çəkməz gəlməyin,

çox çəkməz.

Eşq əhli nəfsini kölə bilirsə,

Heç vaxt getməyənlər

gələ bilirsə,

Sümüklər ətlə örtülürsə,

örtülə bilirsə,

Mən möcüzələrə inanıram.

Çox çəkməz gəlməyin,

çox çəkməz

Aysel

Səndən qayıdan yolda

tələssəydim,

təndirə düşsəydim,

bir isti ölüm ola bilərdi,

olmadı…

Səndən qayıdan yolda

qarşıma çıxan

qızlardan birinə baxsaydım,

baxa bilsəydim,

sevgilim ola bilərdi,

olmadı…

olmadı…

səndən bir də olmadı…

Nərgiz

Göydən kitablar asıldı,

kitablardan adamlar düşdü,

adamların da ürəyi.

Sonra o adamlar

abzasdan başladırlar sevməyə

tanrını və ətrafındakılarını:

günəşi,

ayı,

buludu,

yağışı,

küləyi…

Göydən kitablar asıldı,

kitablardan adamlar düşdü,

adamlardan

hekayələr,

şeirlər

adamlar…

nargin.az

news-inner-user

13958 məqalə

Oxşar xəbərlər

Xəbər lenti

Musiqili Teatrda "Fransızsayağı qarnir" olacaq - Fotolar
18:56 18 Yanvar 2020
Xalq artistinin xatirəsi anılacaq
17:44 18 Yanvar 2020
İyirmi ikinci mənzildə - Varisdən hekayə
16:58 18 Yanvar 2020
"Silahdaşlar" sənədli filmi təqdim olundu
15:15 18 Yanvar 2020
Gənc şairin poeziya gecəsi keçirildi - Fotolar
14:05 18 Yanvar 2020
Türkiyəli yazıçı vəfat etdi
13:47 18 Yanvar 2020
Tanınmış dramaturq vəfat etdi
13:15 18 Yanvar 2020
Bu məşhurlar qaraçı nəslindəndir - Siyahı - Fotolar
12:44 18 Yanvar 2020
"Məni bir qadın qucub, mələklər gəzsin barı..." - Pərviz Cəbrayıldan şeirlər
11:03 18 Yanvar 2020
"Mübariz" operası təqdim olundu - Fotolar
10:28 18 Yanvar 2020
Cahandar ağa Allahyarın arvadı Mələyi qaçırmaqda haqlı idi? - Sevda Sultanova yazır...
09:03 18 Yanvar 2020
Gənc yazar: “Aqşin Yeniseyin romanı alınmayıb” – Video-söhbət
21:00 17 Yanvar 2020
100 yaşlı şair AYB-də yubleyinə qatıldı
19:27 17 Yanvar 2020
Yaşamaq istəyən xəstəyə yalan satan həkim - Hekayə
18:58 17 Yanvar 2020
Rövşən Yerfinin yeni kitabı təqdim olunacaq
18:31 17 Yanvar 2020
Amma Anar bilməsin... – Gənc şairdən parodiyalar
18:03 17 Yanvar 2020
Prezident məşhur rejissoru “Şərəf” ordeni ilə təltif etdi
17:37 17 Yanvar 2020
Musiqili Teatrda "İstintaq" olacaq
16:57 17 Yanvar 2020
Bakıda böyüklər üçün ustad dərsləri keçirildi
16:20 17 Yanvar 2020
Qremminin ilk qadın prezidenti işdən çıxarıldı
15:39 17 Yanvar 2020